الطور ،
درب الشوق ،
للرادود ،
حسن شناوه ،
،،،،،،،،،،،،،،،،،
https://m.youtube.com/watch?v=u6oDjAswVJ4
،،،،،،،،،،،،،،،،،،،،،،
(( اشقد الدهرعذبني ))
أنا زينب
،،،،،،،،،،،،،،،،،،،،،،
أنا اللي الحزن صاليني .
امخاويني .. على احزاني .
......
فنون الهمّ امراويني .
وصك عيني .. على اخواني .
......
اشقد الدهر عذبني .
طوحن بي ودولبني .
كاس الكدر شرّبني .
على اخواني .
،،،،،،،،،،،،،،،،،،،،،،،
أويلاه ..
من كاس المرار اللي تجرعته .
......
أويلاه ..
من زغري الكدر والحزن
صادقته .
......
أويلاه ..
ابعمري يوم واحد حلو
ماشفته .
......
أويلاه ..
على راسي مصايب هالدهر
شلته .
..........
كـلـها سـود أيامي ..
على اقدّامي ..
يماشيني ..
.........
ولا سـاعه فرغ صدري ..
بقى ابدهري ..
يماشيني ..
........
امصيبة أمّي الزهرا.
تسعر بالقلب جمره .
وامّا الداهيه الكبرى .
على اخواني ..
،،،،،،،،،،،،،،،،،،،،،،،
على الدار ..
شفتهم من لفو للنار شبّوها .
.....
على الدار ..
أمّي من خلف لجدار عصروها .
.....
على الدار ..
سبعه اضلوعها بالعصره
كسروها .
.....
على الدار ..
فوق اعيونها قدامي سطروها .
........
طاحت عالأرض تنحب ..
يازينب . تناديني .
......
جيبي املايتي يُمّـه ..
عن الأمّه . تغطّيني ..
......
محسن شفته يتعفر .
يمها وضلعه امكسّر.
وامصاب الأشد واكبر .
على اخواني ..
،،،،،،،،،،،،،،،،،،،،،،
ورى الباب ..
أمّي شفتها واتصيح آه صدري .
......
ورى الباب ..
مسمار ابصدرها والدماتجري .
......
ورى الباب ..
من عاينت لميمه انكسر ظهري .
......
ورى الباب ..
ويش اقدرأسوّي ليها ماأدري .
......
آجي
أُوقف ابيمها.
أمش دمها . وحاچيها..
......
هاي املايتچ عندي .
على زندي . وغطيها ..
......
طفلها بيدي شاليته .
امهشّم كلّه لاقيته .
وأكبر حزن قاسيته .
على اخواني .
،،،،،،،،،،،،،،،،،،،،،
بلسياط ..
شفت أمّي العدو ورّم أياديها.
......
بلسياط ..
يلوعوها ونا متعلّقه بيها .
......
بلسياط ..
للمسجد مشت تشكي لواليها.
......
بلسياط ..
آني مثل أمّي وهاي تاليها .
......
يضربوني على امتوني .
وايسلبوني عباياتي .
......
وهذا حال دنياتي .
بداياتي ونهاياتي .
.......
أخويه اضلوعه تتكسر.
اقبالي ودامي المنحر .
بعد ياحزن اتذكّر .
على اخواني ..
،،،،،،،،،،،،،،،،،،،،،
✍🏻لخادمة أهل البيت
أم جمال خواهر
10 / صفر
1439 / هـ
(( الكاظمية المقدسة ))
ليست هناك تعليقات:
إرسال تعليق