الطور ،
يقارورة ،
للملا باسم ،
،،،،،،،،،،،،،،،،،،،
https://youtu.be/7wQ4MwAPrBg
،،،،،،،،،،،،،،،،،،،،،
(( فقد الإِخوَه صعب ))
لسان حال زينب
،،،،،،،،،،،،،،،،،،،،،،،،،،
على اخواني تهل عيني
مصايبهم تبچِّيني
.....
جمر يسعر فقدهم ،
صبر ماظل بعدهم .
،،،،،،،،،،،،،،،،،،،،
فقد الأخو مثل الجمر
يسعر لهيبه بالقلب .
......
فقده كسيره وفاجعه
شِدّه وعلى الخُوَّه صعب
......
ماشَي يعوضه بالزمن
لو بالقبر ضمَّه الترب .
......
واليفقد الخيَّه بعد
يعمى ولا ايشوف الدرب .
..............
على ابن امّي انصدع بالي
يجود ابسمَّه اقبالي
..
......
مردني اللي مردهم .
صبر ما ظل بعدهم .
،،،،،،،،،،،،،،،،،،،،،،
وشحالي وانظر لخوتي
واحد قذف چبده ابطشت .
......
متقطعه من سمّ العدى
من شاهدت چبده ذِبت .
......
واسمع ونينه اعلى الفرش
روحي الونينه اتفطرت .
......
لـمّن غمض عينه وقضى
سبعين
الف مرَّه مِتت .
............
شِفت نعشه يحملونه
العدى ابلسهام ايضربونه .
......
يطردونه قصدهم
صبر
ماظل بعدهم
،،،،،،،،،،،،،،،،،،،،،،
لجنازته سبعين إجت
لسهام وصابت جثته .
......
وسالت دماه اعلى النعش
وسالت على اثياب اخوته .
......
الله يساعد بوعلي
قلبه انفطر من شوفته .
......
ظهره على خوه انحنى
ذاك الوقت وشحالته .
.........
يشوف الدّم على اكفانه
عليه انكسفت الوانه .
......
حنين الثكلى عدهم
صبر ما ظل بعدهم .
،،،،،،،،،،،،،،،،،،،،،،،
والثاني شفته اعلى الثرى
واعيونه تشخص للسما .
.......
عطشان قلبه ملتهب
يبست شِفاته امن الظما .
.......
في چبده لمثلث نزل
مبهوض من نزف الدّما .
.......
يسمع خواته بالخيم
وبلايا والي اولا حِمىٰ .
.......
وشفِت لـمَّا الشمر جاله .
تربَّع فوقـه بنعاله
.
.......
عن ابن أمّي أصدهم .
صبر ما ظل بعدهم
.
،،،،،،،،،،،،،،،،،،،،،،،
ماراقب الله ابن الخنا
سلّ الرمح في منحره .
.......
حز اللعين الرقبته
قدام عيني اوأنظره .
.......
خليته مرمي اعلى الترب
عنَّه خذوني اميسره .
.......
مرمي بلا غسل اوچِفن
أعظامه كلها امكسره .
.......
عليه انهدت اركاني .
شِفِت راسه ابطشت
جاني .
.......
مصايب لو أعدهم .
صبر ما ظل بعدهم .
،،،،،،،،،،،،،،،،،،،،،،
إخواني واحد قبّته
وقبره وضريحه ابكربلا .
.......
زوَّاره من كل فجّ
تجي
ابشوق اوحنين اتوصله .
.......
مثل النَّحِل ليهم دوي
واعلى الضَّريح اتقبله .
.......
والثاني يايمّه
بلا
حضره ولا قـبـّه إله .
.......
بقى قبره بلا حاير
ولا عنده يجي زاير .
.......
ونا اعميت الفقدهم .
صبر ما ظل بعدهم .
،،،،،،،،،،،،،،،،،،،،،،
✍🏻لخادمة أهل البيت
أم جمال خواهر
5 / صفر
1439 / هـ
ليست هناك تعليقات:
إرسال تعليق