(( وين قبر حسين ))
زيارة الأربعين
،،،،،،،،،،،،،،،،،،،،،،،،،
آه يقلبي آه يقلبي
ردّت اظعون السبايا
الغادريه الهاشميه
اتزور لقبور الشفايا
صوت آهات وحزن
الكربلا رد الظعن
آه يقلبي آه يقلبي
،،،،،،،،،،،،،،،،،،،،،،،،،
ردت امن الشام زينب باليتاما
والعليل
وصّلت للطف وصاحت قوم إلينا
يالكفيل
قوم نيخ الظعن ليَّه وشوفني جسمي نحيل
شاب راسي وعمت عيني يالأخو
وهمِّي ثقيل
يالجبتني امن الوطن
الكربلا رد الظعن
آه يقلبي آه يقلبي
،،،،،،،،،،،،،،،،،،،،،،،،
ردت اظعون السبايا وينكم يهل
الشيم
ياللي نايم عالشريعه قوم ياراعي
العلم
للمدينه ظعن زينب قوم ردّه ياشهم
يخوتي ذاب البدن
الكربلا رد الظعن
آه يقلبي آه يقلبي
،،،،،،،،،،،،،،،،،،،،،،،،،،،
ردت اظعون السباياوالعليل
الكربلا
دنّقت زينب وصاحت وين أهل
المرجله
كافلي في وين خلّه ايقوم ظعني
اينزله
اووين قبر حسين أخويه ياعلي
ودني إله
خل يباوع للمتن
الكربلا رد الظعن
آه يقلبي آه يقلبي
،،،،،،،،،،،،،،،،،،،،،،،،
وين قبر حسين دلني اعليه بشكي
حالتي
خل يقوم ايشوف ذُلّ اللي لقيته
ابسفرتي
وخل يقوم اللي ابذمته جيت يعقل
ناقتي
خل ينزلني اعلى چتفه وخل ينشف
دمعتي
ورَم من دمعي الجفن
الكربلا رد الظعن
آه يقلبي آه يقلبي
،،،،،،،،،،،،،،،،،،،،،
هوت فوق القبر تصرخ وين بابك
ياشهيد
اوياك بدخل ياحبيبي بمسح ادموم
الوريد
خويه باراويك چتفي من أثر قيد
الحديد
خويه أشكي لك ادخولي حاسره
مجلس يزيد
شَتَّم الجدي علَن
الكربلا رد الظعن
آه يقلبي آه يقلبي
،،،،،،،،،،،،،،،،،،،،،،،
خويه بالشامات ماتت بالخرابه
اعزيزتك
خويه قتلوها ابراسك في حضنها
لحقتك
خويه سامحني امقصره ماحفظت
اوصيتك
خويه ريّحني وخذني اوياك داخل
حفرتك
خويه ذبت امن الشجن
الـكـربلا رد الـظـعـن
آه يقلبي آه يقلبي
،،،،،،،،،،،،،،،،،،،،،،،،،،،
✍🏻لخادمة أهل البيت
أم جمال خواهر
19
/ صفر
1439 / هـ
((
كربلاء المقدسة ))
ليست هناك تعليقات:
إرسال تعليق