(( سلطان القلوب ))
يــاحـسـيـن
٠٠٠٠٠٠٠٠٠٠٠٠٠٠
البشركلها إِأْسرتهايبو السجاد
صِرِت كعبه وإِلك تتجه يحسين
........
ملايين الدرب تقطع الأميال
تمشي اعلى الجدم صوبك
امجبلين .
٠٠٠٠٠٠٠٠٠٠٠٠٠٠
شمسوّي ابقلبهم جاذبنها
مغناطيس تسحبهاللطفوف
........
تتهافت إلك مثل الفراشات
تتحدّى الصعاب اوتزحف
ازحوف
.........
مشايه تجي اولا حامله زاد
لا حر لا برد يمنعها لا خوف
.........
ازغاراكبارحتى الشيبه يمشون
اوطلاب المدارس والنساوين
٠٠٠٠٠٠٠٠٠٠٠٠٠٠
اشهالتأثير إلك بقلوب لعباد
اشهالقوّه يسلطان القيادة
..........
ماظل لا مهندس لا كو دكتور
ولا صاحب رياسه اولا شهادة
.........
إلاّ وجاك عاني امطأطأ الراس
خاضع يطلب إمنّك مراده
.........
اومنهم من إجا الخدمة الزوار
يفتر بالمضيف اشمال وايمين
٠٠٠٠٠٠٠٠٠٠٠٠٠٠
ايدلِّك يمرخ ايقدِّم الچايات
هلا اويامرحباابجيّة الزوّار
.......
ينسى كشخته وينسى
الإتيكيت .
لكن يشعر ابنفسه ملِك
صار .
........
ماايحس بالخجل أوبالإهانه
لا بل بالعكس يشكر الجبار
........
مسرور أن توفّق للخدامه
نِعمه يحب إيده ويشكرحسين
٠٠٠٠٠٠٠٠٠٠٠٠٠٠
اشهالسِّرالعظيم البيك يحسين
خلّيت البشر في حبّك اتذوب
........
ذلّلت النفوس اوروضتها
يبو السجاد هامت بيك لقلوب
.........
واتعد الشهور اوتعد ليَّام
يمتى ابأربعينك تقطع ادروب
.........
غيرك مارأينا اولا سمعنا
على الأرواح هيمن في
السلاطين .
٠٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
12 / صفر
1439 / هـ
((
كربلاء المقدسة ))
ليست هناك تعليقات:
إرسال تعليق