(( كسر ظهري ))
مصاب الإمام الحسن
المجتبى عليه السلام
،،،،،،،،،،،،،،،،،،،،،،،،،،
على المسموم واحزني
على المسموم ..
.......
قضى ابهاليوم ياويلي قضى
ابهاليوم ..
.......
تهل عبرات .. أخويه مات .
،،،،،،،،،،،،،،،،،،،،،،،
تصيح ابصوت والدمعات
تجريها .
......
أخويه راح بعد روحي
اشيسلّيها .
......
تجول ابداره والونّات تبديها
......
على المسموم أخوها من
يواسيها .
......
لنعشه اتشوف يشيعونه
لنعشه اتشوف .
......
تدق لچفوف محزونه تدق
لچفوف .
......
تجر ونّات .. أخويه مات
،،،،،،،،،،،،،،،،،،،،،،،،
خليصي مات وامصابه
كسر ظهري .
......
عماني وذوّب افادي وعدم
صبري .
......
شلي ابعمري عقب فقده
شلي ابعمري .
.......
عساني الموت ياخذني
الوسط قبري .
.......
حياتي نار من بعده
حياتي نار .
.......
خليه الدار تذبحني
خليه الدار .
.......
ابدمع جمرات .. أخويه مات
،،،،،،،،،،،،،،،،،،،،،،،
الحسن مسموم يايمّه قضى
نحبه .
.......
ابطشت چبده قذفها والدما
صبّه .
.......
وعليه حسين يايمه انفجع
قلبه .
.......
صدق صعبه فقد لخوَه صدق
صعبه .
......
تشيب الراس يايمه تشيب
الراس .
.......
بليّا احساس دمع ايهل بليّا
احساس .
.......
يجر زفرات .. أخويه مات
،،،،،،،،،،،،،،،،،،،،،،،،،
جنازه انشال إلى جدّه يودعونه .
.......
طلع مروان ايقلهم لا تدفنونه .
.......
إِرِجْعُوا بيه نعشكم لا تنزلونه .
.......
اوجت لسهام إلى نعشه يرشقونه .
.......
يزهرا چان شفتينه يزهرا
چان .
.......
على الأچفان سال الدم
على الأچفان .
.......
بِچى ابحسرات .. أخويه مات
،،،،،،،،،،،،،،،،،،،،،،،،،
فجع دلاَّلي يايمّه الحسن حاله .
........
جنازه اعلى النعش وحسين
من شاله .
.......
إلى المسجد لفى مروان برجاله
.......
على نعش الحسن لسهام منجاله
.......
جراحاته دما تجري
جراحاته .
.......
ابنياحاته رجع يلوي
ابنياحاته .
.......
يدق راحات .. أخويه مات .
،،،،،،،،،،،،،،،،،،،،،،،،،،
ييمَّه للبقيع اتوجّه التابوت .
.......
يشيعونه ابدمه اليجري وقلب
مفتوت .
.......
توسّد قبره يايمّه وخلت لبيوت .
.......
وبقت أولاده محزونه وتعلّي
الصوت .
.......
بقت أيتام أولاده بقت
أيتام
.......
دمع سچّام ما ينشف دمع
سچّام .
........
قلب جمرات .. أخويه مات
،،،،،،،،،،،،،،،،،،،،،،،،،،
✍🏻لخادمة أهل البيت
أم جمال خواهر
5 / صفر
1439 / هـ
ليست هناك تعليقات:
إرسال تعليق