(( زينب ردَّت اليوم ))
زيارة الأربعين
،،،،،،،،،،،،،،،،،،،،،،،،،،
يازوار لحسين إجت زينب اتلقوها
إخذوا راس أخوها اومن لظعون
نزلوها
--------
إجت زينب امن الشام بليَّا اكفيل
بچَّايه
يازوار لحسين اتلقوها يمشايه
نيخو الظعن ليها ومنها استلموا
الرايه
دلّوها اعلى لقبور ابحسره وحزن
نعّايه
تراهي عِمت ما اتشوف من اليدّين
لزموها
--------
ابأَربعين لحسين يالجيتو تزورونه
ترى جتّه سباياه تعالو نزلوااظعونه
عليله جاي محزون على الوليان
عزّونه
فكّو القيد عنَّه اومسحوا الدّم عن
امتونه
عن صدره الزنجيل مع الأغلال
حِلّوها
-------
إجا السجاد مكسور ودمعه جرَّح
اخدوده
من الشامات والذِّل يسيل الدّم
من اقيوده
جايب راس لحسين وراس القطعو
ازنوده
اتلقّى له يزاير وعظّم أجره ابعوده
يازوار ويّاه رؤوس الأهل دفنوها
-------
رجّه برض لطفوف چا ويشصايره
بيها
ايقولون السبايا من الغربه امرجعيها
زينب جايبه الراس تدفنه ابقبرواليها
قوموا الها يزوار وعزّوها بهاليها
عن موتة رقيه براضي الشام سألوها
---------
زينب ردت اليوم تشيب الراس
حالتها
متفطّر الدلال وعميانه على اخوتها
قوموا ساعدوها وليها إعقلوا ناقتها
واخذوا الراس منها ترى اتفتت
مهجتها
ما ظلّت رياجيل إلى الأوطان
ردّوها
،،،،،،،،،،،،،،،،،،،،،،،،،،
✍🏻لخادمة أهل البيت
أم جمال خواهر
19 / صفر
1349 / هـ
((
كربلاء المقدسة ))
ليست هناك تعليقات:
إرسال تعليق