الطور ،
وين أربعينك ،
للرادود ،
مصطفى السوداني ،
،،،،،،،،،،،،،،،،،،،،،
https://m.youtube.com/watch?v=lJq8xJDSbWs
،،،،،،،،،،،،،،،،،،،،،،،،،،،،
(( محروم امن الزيارة ))
😢💔
،،،،،،،،،،،،،،،،،،،،،،
ودّي بالموت ولا إنّي تحرموني
الزياره .
..........
اشيسوى عمري بلا وصلك
يبو سكنه خساره .
.........
اشقدأسامي اتسجلت
كل ضيوفك وصلت
بس أنا مالي بخت
ياحسين .. ياحسين
،،،،،،،،،،،،،،،،،،،،،،،
الموت أهوَن لي ترى
اولا أظل امحسره
اعلى الزياره ياحبيبي
والدمع بعيوني .
............
من شفِت ربعي نووا
ازيارتك عني مشوا
شدّوا اظعون الزياره
راحوا اوخلوني .
............
قلبي اتقطِع قِطع
وذاب مثلات الشمع
امدودَه ويبچو اعلى حالي
كلمن ايشوفوني .
............
ضاع حلمي الكنت أحلم
أجي ماشي بأربعينك .
..........
مادريت ابحظّي عاثر
حال مابيني اوبينك .
..........
الأحبَّه اتسجّلت
كل ضيوفك وصلت
بس أنا مالي بخت
ياحسين .. ياحسين
،،،،،،،،،،،،،،،،،،،،،،
كلمن اتسجّل وصل
وانا إسمي ماانقبل
ليش ياروح الزچيه عايف
الخدّامك .
..........
يعني مو مستاهلك
يبو اسكينه أوصلك
وادخل الحضرتك أشتمّ
ريحتك وازلامك .
..........
قلبي يتلهلب جمر
خلص من عندي الصبر
أنتظر فيضك وجود إكرامك
.........
عمري قضّيته ابخدمتك
هذا من فضلك عليّه .
.........
اعلوَّه تقبلني أخدمك
ياغريب الغاضريه .
.........
روحي بالحسره بقت
كل ضيوفك وصلت
بس أنا مالي بخت
ياحسين .. ياحسين
،،،،،،،،،،،،،،،،،،،،،،
أربعينك يالولي
قرّبت يابوعلي
شيعتك كلها استعدت
تعتني مشّايه .
..........
كلمن اتسجّل برَز
أخذ تصريحه وجهز
شد رحاله وراح قاصد
للطفوف اعنايه .
..........
بس أنا مالي سهم
ماتسجّل لي إسم
أبقى محروم ابحسرتي
ودمعتي الهمّايه .
..........
اشلون تبقى الروح بيَّه
وانظر ابعيني المواكب
.......
زاحفين الغاضريه
بالنواعي والنوادب
.......
آه يچبدي اتفطرت
كل ضيوفك وصلت
بس أنا مالي بخت
ياحسين .. ياحسين
،،،،،،،،،،،،،،،،،،،،،،
ياحياتي ودنيتي
بس أزورك منوَتي
كل شي ماريده من
الدنيا ياأغلى كل غالي .
.........
إنته بس حلم العمر
صوب قبرك من أمر
أنسى روحي وانسى أهلي
وانسى كل أوّل وتالي
.........
من أشوف الزايرين
تمشي بين الحرمين
ينفجع قلبي وتظل مسوَدَّه
بعيوني الليالي .
.........
إه يا يوسف اقليبي لو أموت
أشوى اعلى قلبي.
........
ابلربعين إن ما أزورك عيني
چيف اتشوف دربي .
........
شمعة الفرحه انطفت
كل ضيوفك وصَّلت
بس أنا مالي بخت
ياحسين .. ياحسين
،،،،،،،،،،،،،،،،،،،،،،
✍🏻لخادمة أهل البيت
أم جمال خواهر
15 / صفر
1439 / هـ
(( كربلاء المقدسة ))
ليست هناك تعليقات:
إرسال تعليق