(( فرقاها جمر ))
وافاطمتاه
٠٠٠٠٠٠٠٠٠٠٠٠٠
راحت للقبرأمي الحبيبه ..
فرقاها جمر يسعر لهيبه ..
........
عافتنا الحنونه ..
مانشدت علينا ..
.......
راحت للقبر أمي الحبيبه ..
فرقاها جمر يسعر لهيبه ..
٠٠٠٠٠٠٠٠٠٠٠٠٠٠
راحت للقبر أمي اشيردها .
ياوسفه التراب اينوش خدها.
ظلما البيت موحش من بعدها.
يمّه
ذايبه بنتچ چبدها
.
.........
يمّه الدار ظلما ..
اتعودي البيت يمّه ..
......
لو يحنيّنه امطوله الغيبه ..
فرقاها جمر يسعرلهيبه ..
٠٠٠٠٠٠٠٠٠٠٠٠٠٠
راحت للقبر أمنا الحنونه .
عافتنا ولا نشدت علينا .
مدري اتعود لـميمه إلينا .
لو بس هاي هيّه ماتجينا.
.........
ياخوفي الزچيه ..
سفرتها بطيه
..
......
شيسلّي القلب عن هالمصيبه.
فرقاها جمر يسعر لهيبه ..
٠٠٠٠٠٠٠٠٠٠٠٠٠
شالوا نعشها أمي اقبالي .
راحت للقبر واضيم حالي .
سوداعقبهاابعيني الليالي .
واشحالي وشوف البيت خالي .
.........
ما أحمل فقدها .
اشيسليني بعدها.
.......
اوياها الروح شالتها النجيبه .
فرقاها جمر يسعر لهيبه ..
٠٠٠٠٠٠٠٠٠٠٠٠
أمي احنيّنه مقدر أسليها .
وماكو شي يعوّضني عليها.
وينه المقبره باروح ليها .
بحچي اوياها بتوسّل إليها .
.........
اتخلّي نوم لقبور ..
ترجع تعمر الدور ..
........
ولدها ايصيح ماهيَّد نحيبه ..
فرقاها جمر يسعر لهيبه ..
٠٠٠٠٠٠٠٠٠٠٠٠٠٠
دلّوني المقبره دربها امنين .
على قبرالحنونه بهمل العين .
ابحچي اوياهايمّه ليش رحتين .
بعدها ازغار أولادچ تعيفين .
.........
يحتاجون لرباچ ..
ييمّه صعب فرقاچ ..
.......
يايمّه الصبر من وين أجيبه ..
فرقاها جمر يسعر لهيبه ..
٠٠٠٠٠٠٠٠٠٠٠٠٠
يمحلى قعدتچ محلى حچاياچ .
ومحلى قعدتي في الدار وياچ .
يايمه علينا صعب فرقاچ .
ينوح اعليچ يايمه امصلاچ .
............
يالمصليه الليالي ..
افراقچ دهش بالي ..
.......
ماظنيتها السفره قريبه ..
فرقاها جمر يسعر لهيبه ..
٠٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
30 / محرم
1439 / هـ
ليست هناك تعليقات:
إرسال تعليق