المايعرف ( زينب )
،،،،،،،،،،،،،،،،،
هاي زيـنـب
( ماتقبل كسر )
،،،،،،،،،،،،،،،،،،،
هاي
زينب هاي
والبيها الفخر .
هاي زينب تبقى
سلطانة دهر .
هاي زينب قُوَّه
ماتقبل كسر .
هاي زينب لوعصف
بيها القَدَر .
أبد ماتنحني اولا
ايهزها أمر .
هاي هزّت كل عرِش
لهل الكفر .
ماكسرها الحزن
ماهزها الأسر .
شامخه مثل الجبل
ماتنحدر .
تربية فاطمة هذي
والثمر .
هذي لبوَة علي
ماايهدها الخطر
يخسى بن مرجانه
وايزيد القذِر .
يكسرون العِزَّه فيها
والصبر .
...............
سيف أبوالحسنين
هاي اخت الحسين .
هذي ماتنثلم
ماايهزها الطنين .
مو( أسيره )بين قوسين
إحچي زين .
قول ( أميرة ) وخالدة
عبر السِّنين .
عصى موسى هذي
واجناح الأمين .
چلمه منها
غرّقتهم أجمعين .
هزَّت اعروش الطغاة
الظالمين .
صاعقه نزلت
بأدهى طغمتين .
إبن مرجانه اوهِنِد
ألعَنْ لعين .
دمّرتهم مااتهاب
اوتستكين
جبل هذي امن
الصبر لا ماتلين .
رابيه في بيت أمير
المؤمنين .
هاي زينب هاي
هاي فخر العالمين .
،،،،،،،،،،،،،،،،،،،،
✍🏻لخادمة أهل البيت
أم جمال خواهر
8 /
صفر
1439 / هـ
ليست هناك تعليقات:
إرسال تعليق