: واحسيناه
،،،،،،،،،
طور /
ياليل طوِّل ساعاتك
للشيخ علي سليم
،،،،،،،،،،،،،،،
https://youtu.be/ImfRCBGtwVE
،،،،،،،،،،،،،
(( خويه لا تعتب عليّه ))
٠٠٠٠٠٠٠٠٠٠٠٠٠٠
يحسين وينك يعيوني ٠
يحسين عنَّك مشوني ٠
مسحوبه اعلى التربان٠
مسلوبه ابلا
وليان ٠
٠٠٠٠٠٠٠٠٠٠٠٠٠
قوم ياريحة الزهرا
ليش فوق الترب غافي ٠
قوم شوف القوم خويه
بالحبل شدّت اچتافي٠
وقرّبو خويه الهزيله
للسفر عنّك مخافي ٠
جابو السلاسل والحبل٠
قيّدو
كل طفله وطفل ٠
قوم انهض الهم بالعجل٠
والعليل انظر له حافي ٠
.........
يحسين ترضى ايضربوني٠
يحسين قوّه ايسحبوني ٠
بالنار حرقو الصيوان ٠
مسلوبه ابلا
وليان ٠
٠٠٠٠٠٠٠٠٠٠٠٠٠
يابعد عمري اتوعّى
واسمع اصراخ الثواكل٠
واسمع اصراخ اليتاما
من على اظهور الهوازل٠
عنّك ايريدون خويه
انروح نسوَه ابغير كافل٠
وراسك يخويه اعلى الرمح٠
مرفوع
اوبجبينه جرح ٠
اوجسمك رميّه منطرح ٠
امهشّمه منّه المفاصل ٠
.......
يحسين زينب تدروني ٠
يحسين چا ليه عفتوني٠
بيد الشمر واسنان ٠
مسلوبه ابلا وليان ٠
٠٠٠٠٠٠٠٠٠٠٠٠٠
خويه
لا تعتب عليَّه
اتقول عني راحت أختي٠
سافرت ويَّا الذبحني
حتى ما وارت لجثتي٠
بس خذت راسي معاها
وانا مرمي اعلى تربتي٠
لا
اتقول ماعدها قلب ٠
خلّت أخوها اعلى الترب٠
من
منحره دمّه يصب ٠
اوقبر ليَّه ما حفرتي
٠
......
يحسين
لوهم خلّوني ٠
بالـماي من دمع اعيوني٠
أغسل جسم العريان ٠
مسلوبه ابلا
وليان ٠
٠٠٠٠٠٠٠٠٠٠٠٠٠
خويه بالقوّه سحبني
الشمر والسوط اعلى ظهري٠
سلب من راسي عباتي
واحرقوا بالنار خدري ٠
آه
ياضيمٍ علاني ٠
ويامراري وجور دهري٠
سكنه تولاها الشمر٠
ابسوطه ضربهااعلى الصدر٠
وخرّت
رقيه تعتفر ٠
اعلى الجسد يابعد عمري٠
.....
يحسين بمشي عِذروني ٠
يحسين بقطعها اظنوني٠
عافوا
خدري الخُوَّان ٠
مسلوبه ابلا وليان
٠
٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
11 / محرم
1439 / هـ
ليست هناك تعليقات:
إرسال تعليق