الطور ،
وين أربعينك ،
للرادود ،
مصطفى السوداني ،
،،،،،،،،،،،،،،،،،،،،،
https://m.youtube.com/watch?v=lJq8xJDSbWs
،،،،،،،،،،،،،،،،،،،،،
(( آه يدهري ))
دخول السبايا
الشـام
٠٠٠٠٠٠٠٠٠٠٠٠٠
الله يالشام من وصلناها
الخلق لـمّت علينا .
.....
واحنا بحبال چنَّامن أسرى
الديالم ربطونا .
.........
اشقد شماته اشقد ألم .
وينه شيَّال العلم .
لا حُماة اولا زِلم .
ياحسين .. ياحسين .
٠٠٠٠٠٠٠٠٠٠٠٠٠
وين أهلي وعزوتي .
خل يشوفوا حالتي .
ابحاله قشرى يسحبوني
والحبل بچتافي .
...........
ابباب أبو السّاعه اوقفت .
ابعيني للساجد شِفت .
ابلا عِمامه بالسلاسل
يسحبونه حافي .
............
واليتاما امكشّفه .
بالحبال امچتفه .
وروس أهلها اعلى الأسنَّه
امعلَّقه مو كافي .
...........
آه يدهري الغدر بيَّه وما إجا
هذا اعلى بالي .
.....
عقب خدري العشته أمسي
امسلَّبه وبلايا والي .
.....
اعليَّه تتفرّج خدَم .
وينه شيال العلم .
لا حُماة اولا زِلم .
ياحسين .. ياحسين .
٠٠٠٠٠٠٠٠٠٠٠٠٠
ياهل الغيره عجب .
آنا زينب وانسلب .
اشلون بس ترضى شيمكم
يسلبون اقناعي .
.......
ولسواره ابمعصمي .
قيد
وبه يشخب دمي .
وسوط يتلوّى اعلى ظهري
وعالمتن وادراعي .
........
الشام كلها امعيِّده .
واني إيدي امقيّده .
والعليل اعلى المطيَّه امن
الألم مو واعي .
.........
ينزف الدَّم من جِراحه
والمسامير ابرقبته .
.......
وصدره بالزنجيل محني
أنفجع كلما نظرته .
........
اموقّفه ابسوق الغنَم .
وينه شيال العلم .
لا حماة اولا زلم .
ياحسين .. ياحسين .
٠٠٠٠٠٠٠٠٠٠٠٠٠
الشام صارت كالحشر .
التمّت اعلينا اشكثر .
للتفرّج والشماته بالمعازِف
والطَّرب .
.........
مابقى اببيته أحد .
صارت ادروب البلد .
من رقصهم والمعايد مسرح
الدرب انقلب .
........
زينه واعلام اوفرَح .
وراس أخويه اعلى الرمح .
يضربونه بالحجاره ودمَّه
عالشيبه يصب .
........
عينه اتدوراعلى أهله ايرتِّل
القرآن ويقرا .
.....
يضربونه اعلى شِفاته وينفجر
بالدّم نحره .
.....
ينفجع قلب الحرم .
وينه شيال العلم .
لا حماة اولا زلم .
ياحسين .. ياحسين .
٠٠٠٠٠٠٠٠٠٠٠٠٠
ابمجلس العام اليزيد .
دخلونا كالعبيد .
في حلقنااحبال خشنه
يسحبونا اعلى الثرى .
.......
صفق بيدينه ونهض .
رمى الراس اعلى الأرض .
ايقول هاي البالسلاسل
جايَّه لمخدَّره .
.......
هذي زينب عندنا .
وين عنها الصبوَنه .
وين خدراللي اليوصفونه
وين عنها حيدره .
.......
وين عباس اللي نسمع عن
بطولاته اشكثر .
......
وغيرته وباسه الكفلها في
سفرها امّ الخدر .
......
ايقولوا بعمود انقسم .
راسه واعيونه ابسهم .
وجيتي لينا ابلا زِلم .
ياحسين .. ياحسين .
٠٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
26 / محرم
1439 / هـ
ليست هناك تعليقات:
إرسال تعليق