(( قربت أيام الحزن ))
شهر الأحزان
٠٠٠٠٠٠٠٠٠٠٠٠
أحزان .. واشجان
من خلص شهر الضحيه .
مهموم .. مغموم
حجة الله ابهالعشيه .
يجذب الحسره ويونّ .
يرقب اهلال الحزن .
من خلص شهر الضحيه .
٠٠٠٠٠٠٠٠٠٠٠٠٠
شهر لضحى خلصت أيامه
وظهر .
واقربت أيام أحزان الدهر .
يرقب اهلال المآسي المنتظر .
والقلب منه مثل نار السّقر .
مثله مايوجد أحد .
للمصيبه مستعد .
من خلص شهر الضحيه .
٠٠٠٠٠٠٠٠٠٠٠٠٠
عالسّما اعيونه اتراقب للهلال .
والدمع مثل المطربخدوده سال .
مستعد للطم متكدر البال .
ونته اتصدع إلى صمّ الجبال .
ناعي ابصوت حزين .
آه يجدي ياحسين .
من خلص شهر الضحيه .
٠٠٠٠٠٠٠٠٠٠٠٠٠٠
حزنه مشتد والدمع منه يسيل .
يرقب اهلال المصايب بالعويل .
نوحه يتجدد على امصاب
القتيل .
ينصدع من ونته عرش الجليل .
آه يقلب المنتظر .
عينه عهلال الشهر .
من خلص شهر الضحيه .
٠٠٠٠٠٠٠٠٠٠٠٠٠٠
حجة الله ابهالوقت محني
الضلع .
ينتظر لمحرم ابسكب الدمع .
قوموانساعدالقلبه المنصدع .
ننشر اسواد الحزن نطفي
الشمع .
قربت أيام الحزن .
عظمو أجر أمّ الحسن .
من خلص شهر الضحيه
٠٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
22 / ذي الحجة
1438 / هـ
جورجيا / تبليسي
ليست هناك تعليقات:
إرسال تعليق