(( عبدالله روحي ))
٠٠٠٠٠٠٠٠٠٠٠٠٠٠
يعبدالله يغالي .
لمهدك شفته خالي .
وهزنَّه بيديّه .
٠٠٠٠٠٠٠٠٠٠٠٠
يوليدي خالي مهدك نظرته
بيدي أهزَّه وادموعي
تجري .
............
لثيابك انظر بيه انت ماكو
قلبي ايتصدّع لجلك
يبزري .
...........
واسمع خيالك يقلّي ماما
أجي أدورك يتلاشا
صبري .
............
يدر حليبي واشلون أرضعك
إنته اهناماكو يالخذت
عمري .
...........
يوليدي ألعابك .
مرميه واثيابك .
يالذابحني امصابك .
وامعذبني اعتابك .
..........
تريد الماي يبني .
تفرفر وسط حضني .
وتونّ ونَّه خفيّه .
٠٠٠٠٠٠٠٠٠٠٠٠
يوليدي مهدك ضعضع كياني
أنظره خالي وقلبي
ايتصدع .
..........
خلخالك اهنا وهنا هِلالك
وهنا هدومك يمتى
الها ترجع .
..........
يبني وحبيبي صدري وجعني
إرجع ييمَّه حليبك إرضع .
..........
عبد الله روحي وياك اخذها
بعدك حياتي ما ظنها
تنفع .
..........
يوليدي يالغالي .
غيرك ولد مالي .
يالخابت آمالي .
وانقطعت اوصالي .
............
بعدك شلي ابحياتي .
ياأغلى أمنياتي .
رحت اشبقى إليَّه .
٠٠٠٠٠٠٠٠٠٠٠٠٠
صغيري يمّه راح امن ايديّه
بعد إليَّه ويش اليرجعه .
..........
جابو لي مهده واقماطه غارق
من دم رقبته ماعظمها
فجعه .
.........
خذته اعلى صدري عبَّالي
صاحي .
وابلا وعيَّه ظليت أرضعه .
........
ما جا اعلى بالي ابني
الزغيّر .
سهم المنيَّه النحره يقطعه .
.........
زرّ العقل منّي .
لا حد يلومنّي .
راح البزرمني .
وامدوهنه چنّي .
واتمنّى للمنيَّه .
٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
7 / محرم
1439 / هـ
ليست هناك تعليقات:
إرسال تعليق