(( نعلن البيعة العلي ))
عيد الغدير
🍃🍃🍃🍃🍃🍃
٠٠٠٠٠٠٠٠٠٠٠٠
عَيْدي يُمّه الليله عيد .
غير حيدر ما نريد .
هُوَّ قايدنااو ولينا
وغير حيدر مانريد .
٠٠٠٠٠٠٠٠٠٠٠٠٠
يُمّه قومي اوياي خلنا انجدد
البيعه العلي .
انعاهده عهد الولايه مالنا
غيره ولي .
بالغديريه فَرحنامن قلبنا
يعتلي .
يحچي عن صادق عِشقنا
للإمام الأوّلي .
إحنا عالفطره ترا
بايعينا الحيدره
من عهد آدم بصمنا
غير حيدر مانريد .
٠٠٠٠٠٠٠٠٠٠٠٠٠
الغديرالعيد لكبر بيه دين
الله اكتمل .
بالولايه الحيدريه المرتضى
خير العمل .
نصّبه الباري خليفه اعلى
البشر حتّى الأزل .
جبرئيل اعلى محمد بالوحي
يهتف نزل .
يامحمد بالغدير
نصّب الحيدر أمير .
إحنا بالأصلاب صحنا
غير حيدر ما نريد .
٠٠٠٠٠٠٠٠٠٠٠٠٠٠
الله سبحانه وتعالى أرسل
الروح الأمين .
للنّبي الهادي محمد بالوحي
الحقّ المبين .
في غدير الخُمّ يقلّه ياإمام
المرسلين .
أنصب الحيدر خليفه اعلى
جميع المسلمين .
بعدك ايقود الزّمام
بالولايه للقيام .
إحنا بالأرحام صحنا
غير حيدر ما نريد .
٠٠٠٠٠٠٠٠٠٠٠٠٠
حيدر الكرار الله اعلى البريه
امفضّله .
انطاه حتى اعلى الملايك شان
واعلى منزله .
اولنبيآ والرسل كلهابالجلاله
اتبجّله .
كل سنه انجدد عهدنا نعلن
البيعه إله .
قومي يُمّه وهلهلي
ونعلن البيعه العلي .
يمّه عيد الله إجانا
قومي نلبس للجديد .
غير حيدر ما نريد ٠
🍃🍃🍃🍃🍃🍃
٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
18 / ذي الحجة
1438 / هـ
(( باتومي جورجيا ))
ليست هناك تعليقات:
إرسال تعليق