(( ليلة أحزان ))
في مصاب الجواد
عليه السلام
٠٠٠٠٠٠٠٠٠٠٠
هلّي ياعين ...
لاتملّي امن المدامع ٠
هلّي ياعين ٠
---
لامّ لحسين ...
ساعديها اعلى المواجع ٠
لامّ لحسين ٠
---
هاي ليلتها تمر ٠
للجواد اتدق صدر٠
هلّي ياعين . هلي ياعين ٠
٠٠٠٠٠٠٠٠٠٠٠٠٠
ليلة أحزان ومصيبه الليله
اتمر بالزچيه ٠
...
امن المدينه اتدق صدرها
رايحه للكاظميه ٠
...
للجواد اتشوف حاله ميِّت
ابسمّ المنيَّه ٠
...
ماأحد يمَّه من اهله اعلى
السطح جسمه رميه٠
...
خلص من عنده النفس ٠
ذاب من حر الشمس ٠
...
هلي ياعين . هلي ياعين ٠
٠٠٠٠٠٠٠٠٠٠٠٠٠٠
امن المدينه اليوم فاطم راحت
البغداد تنعي ٠
...
بالعشرتلطم صدرها اتصيح
آه ياكسر ضلعي ٠
...
آه يالطمة اعيوني اليوم بيها
بان صدعي ٠
...
زادت الآمي اعلى موتك يالجواد
وزاد وجعي ٠
...
هالسَّا أحزاني أشد ٠
بيك زادت يالولد٠
...
هلي ياعين . هلي ياعين ٠
٠٠٠٠٠٠٠٠٠٠٠٠٠٠
راحت البغداد شافت بالسطح
مرمي ولدها ٠
...
ميِّت وچبده قذفها ذابت الحاله
چبدها ٠
...
قعدت اتصبّغ شعرها من دمّه
واتسوف يدها ٠
...
آه يولادي عليكم جايره الدنيا
بعدها ٠
...
أبد مايمدي الدمع٠
ينشف او أنسى الوجع٠
...
هلي ياعين . هلي ياعين ٠
٠٠٠٠٠٠٠٠٠٠٠٠٠٠
اتقلب الچبده وچبدها ذايبه
وتلطم صدرها ٠
الياجرم سمّوك يبني ياضيا
عيني ونظرها ٠
وتنحني اتقبل جبينه او ونَّة
الحسره تجرها ٠
هوَّن امصابك عليّه يبني
اضلوعي وكسرها ٠
يمَّه امتدَّت تحنّ ٠
تشم لدمومه اوتونّ٠
هلي ياعين . هلي ياعين ٠
٠٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
28 / ذي القعدة
1438 / هـ
ليست هناك تعليقات:
إرسال تعليق