(( مسلم يبنتي راح ))

 (( تريد الـماي  أدري ))

           وارضيعاه

    ٠٠٠٠٠٠٠٠٠٠٠٠٠٠

ديللّوه يالولد يبني ديللّوه .

ديللّوه يالولد يبني ديللّوه .

........

 ييمّه اتدير عيناك .

إلى الـمآ وزايد ابچاك .

ديللّوه يالولد يبني ديللّوه ٠

.............................

يالمدلل شعب قلبي بواچيك .

وأدري بالعطش يايُمّه ماذيك .

يبعد أمّي أنا واشبيدي اعليك .

من  وينه أجيب الـمآ ورَوّيك .

...........

يعبدالله اشعبتني .

ونينك هدّ ركني  .

ديللّوه يالولد يبني ديللّوه .

٠٠٠٠٠٠٠٠٠٠٠٠٠٠

ديللّوه يابعد روحي يالصغر٠

ديللّوه نام وجهك صايراصفر٠

ديالّوه والعطش لحشاك فطّر٠

ديللّوه صدر أمّك يبني ما درّ٠

.............

يبني بالمهد نام ..

واشبع يبني أحلام ..

ديللّوه يالولد يبني ديللّوه ٠

٠٠٠٠٠٠٠٠٠٠٠٠٠٠

يعبد الله يغاتي امن البچي هِيد٠

يعبدالله البچي والنوح ما ايفيد٠

تريد المـاي أدري لكن ابعيد ٠

يايمّه النهر محكوم ليزيد ٠

............

يُمّه باوع اوشوف .

حوله ارماح واسيوف .

دللّوه يالولد يبني ديللّوه ٠

٠٠٠٠٠٠٠٠٠٠٠٠٠٠

إسكت يالولد واتصبَّر اشوَي ٠

أدري بك يغالي  رايد الـمَيّ ٠

لكن ويش بيديّه ما بديّ شيّ ٠

هالسَّا اوياك أروح اهناك بالفيّ٠

............

يمكن يبرد إحشاك .

بس لا تبچي اهناك .

ديللّوه يالولد يبني ديللّوه٠

٠٠٠٠٠٠٠٠٠٠٠٠٠٠

نروح اهناك يُمّه الخيمة اختك ٠

نروح اهناك بس إخفيها وَنْتك ٠

لا تسمع  يبعد الروح عمتك  ٠

أخاف اتموت من تسمع زفرتك ٠

.............

قلبها احنيّن اعليك .

تشوف العطش ماذيك .

ديللّوه يالولد يبني ديللّوه٠

٠٠٠٠٠٠٠٠٠٠٠٠٠٠

أخاف اتونّ اوتسمعك الوديعه ٠

وتروح اتعاتب حسين ابرضيعه٠

عليه اتحتّم ايروح الشريعه  ٠

وتدري ابنيَّة القوم الشنيعه ٠

.............

يلبَّة قلبي وحشاي .

يذبحونه على المـاي .

ديللّوه يالولد يبني ديللّوه ٠

٠٠٠٠٠٠٠٠٠٠٠٠٠٠

✍🏻لخادمة أهل البيت

     أم جمال خواهر

     27 / ذي الحجة

       1438 /  هـ