(( ناعية
الهلال ))
٠٠٠٠٠٠٠٠٠٠
بيّن علينا الحزن والهمّ .
بلقلوب صوت الكدر خيّم .
ولون السّمامتحنيه بالدّم .
والصبح لونه صار عندم .
أثاري قرب شهر المحرّم .
.........
أشوف النفِس ضاقت بلحزان .
واعلى القلب صوت الكدر بان .
والسّما ابحمره صبغت الوان .
كل شي بدا للحزن نيشان .
أثاريه قرَب شهرك يعطشان .
.........
شهر الضحيه ودَّع وراح .
ولعياد راحت ويّا لفراح .
والحزن بيّن بالسّما ولاح .
شهر المـآسي وشهر لتراح .
فيه الفجيعه وفيه لنياح .
اعلى سبط النّبي خامس
الأشباح .
..........
خلّص شهر لضحى يشيعه .
وبان الكدر ويّا الفجيعه .
على حسين واولاده ورضيعه .
وعلى الي ثوى ابجرف
الشريعه .
امن اليدين چفّينه قطيعه .
وعلى امصيبة الحورا الوديعه .
............
من خلصت ايّام الضحيه .
بان الحزن بالجعفريه .
الشيعه استعدت للرزيه .
والنعيه تبچي شجيه .
بلسواد واتعزّي الزچيه .
ترقب مصاب الغاضريه .
اعلى لبواب يهلال المنيّه .
..............
الناعيه شدّت عصايب .
تستقبل اهلال المصايب .
شهر المآسي والنوايب .
عاشور خلى القلب ذايب .
على المنجدل فوق الترايب .
وامطرحه حوله الحبايب .
..............
شيعة علي مكدورة البال .
چساها الحزن واتبدل الحال .
ابلوعه وحزن تترقب اهلال .
عاشور بيه أهموم واهوال .
في كربلايا ايصير زلزال .
مصايب لها تتصدع اجبال .
على اللي الشمر داسه بلنعال .
حز منحره وشاله اعلى عسال .
٠٠٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
21 / دي الحجة
1438 / هـ
جورجيا / تبليسي
ليست هناك تعليقات:
إرسال تعليق