(( نــعــاء ))
في مصاب الأمير
عليه السلام
٠٠٠٠٠٠٠٠٠٠٠٠
الله يدنيا الحزن والهمّ .
ويادهر كلّك لوعه وغمّ .
راح الأبو والبيت أظلم .
قلبي على افراقه تألّم .
والفرقته ماني امعلّم .
راح وصِرِت منه اميتّم .
ماظن يرد والشمل يلتم .
.......................
اشسويتي يادنياابحالي .
أخذتين من عيني الغالي .
والبيت منه صبح خالي .
أظلم
ومحزونه الليالي .
راح الأبو واندمر حالي .
أويلي على عزّي ودلالي .
........................
يدنياالكدر بيَّه اشفعلتين .
أخذتين مني ناظر العين .
على والدي قلبي چويتين .
راح الأبو من بين ليدين .
صفيت ابيتم واصفق الكفّين .
أديرالطرَف لشمال وايمين .
خالي النزل منّك يبو حسين .
........................
يادهر ويش سوّيت بيّه .
ويدنيا الكدر جرتي عليه .
أخذتي الغالي من ايديه .
للقبر سارت به المنيّه .
وداره مست ظلماوخليه .
يتاماه تصرخ هالعشيه .
فرقا الأبو يصعب عليه .
......................
راح الأبو يتّم ابزوره .
منه خليه اليوم دوره .
يوسفه يضم القبر نوره .
والله الأبو موته كسيره .
عليه القلب يلهب سعيره .
ودّوني له قبره أزوره .
بقلّه ودمعاتي حديره .
ياغوث كلمن يستجيره .
ظلمت عقب عينك الديره .
.......................
صاحت ودمعتها سجامه .
تنعي أبوها مي ملامه .
يابو الأرامل واليتامى .
العيشه عقب عينك ندامه .
والعيد متكدره ايَّامه .
على الـمات ماتمم اصيامه .
.......................
صاحت ومنها الدمع حدَّر .
تلطم صدرهاابقلب محتر .
هالسّنه عيدي عيدٍ اقشر .
مفقود قالع باب خيبر .
راح القبر والروح فطّر .
هيهات ليَّه يرد حيدر .
....................
ابحسره تونّ كعبة الأحزان .
واتهل لدمع العين غدران .
غدرني زماني والدهر خان .
أخذ والدي عروة الإيمان .
ابليلة القدرابشهر رمضان .
مات وشعل بالقلب نيران .
ضاعت يتاما وطاحت أركان .
والعيد جانا ابكدر واحزان .
.........................
الله يدنيا ماابها اسرور .
كلها نكد وامصايب وجور .
لحباب راحت بخت لقبور .
شعلو قلبنا مثل تنور .
هيهات ايعودو يعمرو الدور.
عليهم لقيم الحزن دستور .
٠٠٠٠٠٠٠٠٠٠٠٠٠٠
✍🏻لخادمة أهل البيت
أم جمال خواهر
16 / ذي القعدة
1438 / هـ
ليست هناك تعليقات:
إرسال تعليق