أحزان رقية -ع -

((  أحزان  رقية   ع  ))
                 ------------------
           يمذبوح      بك اعداي فجعوني
          هذاالراس   جسمك وين يعيوني
                      يالماكو مثيلك
                       ٠٠٠٠٠٠٠
           يبو الشيب المخضوب يالغالي
           ياهو اللي حز الراس يالوالي
            دمك سال  علخدود بقبالي
             يمنحور لجلك ضاع دلاّلي
           منك ليش هالعدوان حرموني
           يمذبوح بك اعداي فجعوني
                    يالماكو مثيلك
                    ٠٠٠٠٠٠٠٠
          اليتم حار واقاسيه من زغري
          أدورك      رحت وين يافخري
        هذا الراس يمنحور في حجري
        الجسد وين    يمذبوح ما أدري
        عسى چان عمى صاب لعيوني
          يمذبوح بك اعداي فجعوني
                  يالماكو مثيلك
                 ٠٠٠٠٠٠٠٠٠
     على الراس     هوت تبچي اتشمّه
       باليدين     في كل ساعه اتضمّه
       تحنّي       للچفّين      من دمّه
      على القاع      خرّت صاح ياعمه
        يزينب       فات الفوت يعيوني
         يمذبوح بك اعداي فجعوني
                   يالماكو مثيلك
                 ٠٠٠٠٠٠٠٠٠
         رقيه          يم لحزان رفعيها
       جاهاالموت      على راس واليها
       يم لمصاب        بلتراب  مدّيها
     شيلي الراس    من ادماه غسليها
          يعمّه      أعزّيچ      عزيني  
         يمذبوح  بك اعداي فجعوني
                  يالماكو مثيلك
                 ٠٠٠٠٠٠٠٠٠
           يعمّه شيلي الراس من عدها
           رقيه        ترى حان موعدها
         جاها الموت    على راس والدها
       قومي اوياي   على القاع بنمدها
       يعباس      يلحسين     دركوني
       يمذبوح    بك اعداي    فجعوني
                   يالماكو مثيلك
             *********************
         ٣٠  /   محرم  /  ١٤٣٧  /  هـ
        لخادمة أهل البيت/ أم جمال خواهر