ملفوف وادمومه تخر

((   ملفوف وادمومه تخر   ))

 في مصاب الأكبر  ع
             *************************
         راح الولد يازينب      راح الولد راح
      ذاب القلب من شوفته  امبضع بلجراح
         مرمي ابثراها      عيني عماها
      راح الولد يازينب      راح الولد راح

         راح الولد يوخيتي راح امن ايديه
        دوهني من شفته على وجهه رميه
        أوصاله كلها امقطعه فوق الوطيه
       ودمه من اجروحه يصب يالهاشميه
  دلاّلي ذاب ابشوفته    وعفت العمر ياعمته
        بدر ابكماله      خسفوا  جماله
      راح الولد يازينب  راح الولد راح

        شبه النبي خر بالترب يم المصيبه
      جسمه اموذر بالسيوف اعلى التريبه
       مقدرت أشيله للخيم عندچ أجيبه
     إعطيني عبات أمّي المحروقه اللهيبه
  بجمع اوصاله يم طهر    حتى أجيبه للخدر
     قومي افرشي له     ونادي اعلى ليلى
      راح الولد يازينب      راح الولد راح

       جيبي عبات أمّي يمشكاة الرساله
        باروح إلى الأكبر وباجمّع اوصاله
       ليلى الزميها لا تجي تنظر احواله
     بتموت لو شافت بدرها الخسف غاله
 وقفي على باب الخيم     جمعي اليتاما والحرم
       يختي اسمعيني    لاحد يجيني
   راح الولد يازينب      راح الولد راح
   
     جابت عبات امها وقلبها امن الحزن فاح
       منها أخذها وبالعجل للمعركه راح
     ظل يجمع اوصال الولد بنياح واصياح
        مرّه يخر مرّه يدق راح على راح
 من جمّع اوصال الولد   شاله على صدره وقصد
       يهمل دمعته     ويصرخ على اخته
     راح الولد يازينب    راح الولد راح

         لفّه ابعبات امّه وقصد للخيم ينعي
        جالچ علي يم الخدر بالعجل طلعي
     من عندي إخذيه ابعجل يالأخت سرعي
     ظهري انحنى يوخيتي وانكسر ضلعي
  قولي إلى ليلى تجي    خل تشبع انياح وبچي
        خل تشفي اغليل   من نجمة اسهيل
     راح الولد يازينب       راح الولد راح
 
          إطلعت زينب واطلعت أمّه وراها
       والأّ ابعبات أمّ الحسن جابو ضناها
          ملفوف وادمومه تخر غرّق ثراها
       واثياب ابوه اتبللت صفقت يداها
  زرّ العقل من شافته    صرخت وقامت شبقته
       اتصوّر وضعها      ايذوب السمعها
    راح اولولد يازينب       راح الولد راح
 
    ********************************
      ٨  /  محرم   /  ١٤٣٧  /   هـ
     لخادمة أهل البيت/ أم جمال خواهر