صرخة جنون

((   صرخة جنون   ))
قصيدة لخادمة أهل البيت/ أم جمال خواهر
في حادثة الهجوم الإرهابي على المجالس الحسينية بسيهات 

  ********************

إحنا عشاق الحسين إحنا مجانينه
 عهد  مّنا  ما نعوفه  لو  يفجرونا
   
  نصرخ بصوت     لجلك انموت  
 ياحسين      ياحسين     ياحسين

شيعة المظلوم إحنا واحنا عشاقه
جينا للماتم نشيل اقلوب مشتاقه
    
جينا نحمل عالچفوف ارواح خفاقه
لهفه عدنا  يمته اويا احسين  نتلاقا
       
      والشهاده          لينا عاده
   ياحسين    ياحسين      ياحسين

 إحنا عشاق الحسين وما نهدّه امحال
لو يفجرونا ويقطعونا أوصال اوصال
 
مأتمه  يبقى  رغم  أنفك يبن لنذال
إنته عبَّالك  نخافك يالچلِب يالضال
      
    الطفل صاح       بعنا لرواح
ياحسين      ياحسين      ياحسين

چان ما تدري  يلرهابي ابطبيعتنا
إحنا عشاق الحسين  وحبّه  جنّنا
   
وهّم  أزيدك بيت لجله ارواحنا بعنا
   ما تخوفنا ابحزامك والله ما تهمنا
     
    حتى لصغار     رفعت اشعار
ياحسين      ياحسين      ياحسين

إحنا عشاق الحسين اسمع يلمعادي
والله لو تقطع رجلنا  وتقطع اليادي
      

زحف للماتم نجي وبصوتنا اننادي
 ياحسين افديك بهلي وعمري وولادي
        
   خل تقولون        عني مجنون
ياحسين      ياحسين       ياحسين

أعترف مجنون انا وحسين جنّني
من يجي شهر المحرم مأتمه ايشدني
     
أنسى نفسي ودنيتي عشقه امبهدلني
 هذا هو  طبع العشق  وشتنتظر مني
       
    قلبي مسحوب   عنه ما توب
 يا حسين      ياحسين       ياحسين

إحنا عشاق الحسين اشمابنا اتسوون
تطلقوا اعلينا الرصاص أو بينا بتفجرون

  مأتمه ما نتركه يچلاب لا  اتفكرون
     بينا وبينه علاقه أبد ما اتقدرون
   
    قسم والله       ما تركناه

ياحسين     ياحسين       ياحسين

         ************************ 
    ٣  /   محرم  /  ١٤٣٧هـ