(( الجفن مخروق كلًّه ))
في استشهاد الإمام الحسن ( ع )
*************************
يُمّه قعدي امن القبر
الحسن شوفي اشجرى له
قلبه بالسم انفطر يُمّه واتكوّر جماله
قطّعت قلبه الدعيه غالته ابسمّ المنيه
عالفرش يتقلب ابمحضر جهاله
--------------------
يُمّه يازهرا تعالي للحسن شوفيه يُمّه
يجذب الونّات تفجع حالته ايعالج بسمّه
منخطف لونه ييمّه كل فردساعه ايتغمّى
بالطشت چبده قذفها ناقعه من فيض دمّه
غربت للموت عينه واخوته متحاولينه
يجذبوا الزفرات والمدمع هماله
-------------------------
يُمه مدلولچ افاده اتقطع بسم الدعيه
ليتچ اتشوفين حاله يجذب الونّه خفيه
والچبد بالطشت دبها امقطعه يالهاشميه
وانقلب لونه ييمه وعينه غربت للمنيه
ودّع اخوانه وخواته يتم اولاده وبناته
وظهر لحسين انكسر واندهش باله
----------------------
آه يايمه يزهرا للمدلل ما حضرتي
وين عن دفنة اوليدچ ياضياالعينين غبتي
ماحضرتي والجنازه بالسهام الها نظرتي
والچفن مخروق كله چان عالوجنه لطمتي
لو تشوفي الچفن بالدم
غارق وجسمه تهشم
بالسهام اتقطعت جملة اوصاله
-----------------------
يُمّه نعش الحسن عندچ سارللهادي يودعه
اطلعت لمريّه اببغلها والدعي مروان اوربعه
امسلّحين الأبواسكينه عن دفن خيّه يمنعه
رشوااجنازة الوالي بالسهام وجرت وقعه
حسبي الباري عليهم
مارعوا حرمة نبيهم
صوب قبره ايقاتلوا عترته وآله
---------------------
يارسول الله عاين بعدك اشصار اعلى بزرك
يارسول الله سبطك عظّم الله فيه أجرك
السهام اعلى الجنازه صوّبوها يمِّ قبرك
قوم شوف ادماه تجري امن الچفن
واتسيل كترك
مارعوا إلَّه اولا ذِمَّه اولا رعوا للآل حرمه
اولا رعوا حق النبوَّه والرساله
****************************
٢١ / محرم / ١٤٣٧ / هـ
لخادمة أهل البيت/ أم جمال خواهر
ليست هناك تعليقات:
إرسال تعليق