(( مو هين فراق العضد ))
في استشهاد الحسن الزكي ( ع )
----------------------------
ياخويه ذوبت القلب
من شفت حالك مضطرب
ياخويه ......... ياخويه
-------------------
ياخويه چبدي اتفطرت
من شفت بالطشت الچبد
متفطره من سم العدى
وحسيت ياخويه الوعد
قرّب وقول المصطفى
فينا تحقق يالسند
بالسم حياتك تنتهي
وبالسيف أنا أقضي بعد
آنا من الماي انحرم
وانته ضريحك ينهدم
من غير ذنب اولا جرم
ياخويه .......... ياخويه
------------------------
ياحسن ياعمّ الولد ذوبت قلبي حالتك
من شفت ياخويه ابطشت
قاذف يخويه الچبدتك
ما اتقلي جعدا الياذنب
والياجريمه سمّتك
ياثار منك تطلبه ليش العدوَّه غالتك
صاح الحسن خويه اصطبر
ماكو مفرّ امن القدر
فوّض إلى الله الأمر
ياخويه .......... ياخويه
------------------------
ايقله مصابي يالأخو
لمصابك ايهون اويقلّ
آنا أموت اعلى الفرش
لكفان احصِّل وي غسل
ينشال نعشي واندفن
وانته الكفيل اعلى الأهل
مو مثلك ابليَّا قبر
تبقى ثلاثه اعلى الرمل
ذبح الضحيه تنذبح
راسك على راس الرمح
دمَّك من المنحر يسح
ياخويه ........... ياخويه
------------------------
لا يوم ياخويه مثل يومك يظامي كربلا
مصيوب قلبك بالسهم
مطروح في حر الفلا
شمر الضبابي بالنعل
صدرك يولد امّي اعتلى
والسيف جرّه بالنحر
راسك يخويه يفصله
مصابك يزيّد لوعتي
ياليت دونك رقبتي
قصها الشمر يامنيتي
ياخويه ........... ياخويه
------------------------
سكنت انفاسه وغربت عينه وهانت ونّته
مدد ارجوله واسبل اليدين ومالت رقبته
والروح فاضت والأخو
ظهره تحنَّى الموتته
يصفق ابراحه اعلى الوجه
معذور عُظمى امصيبته
مو هيِّن افراق العضد
لركان ايهدها والجلد
لوصاح ذوّبت الچبد
ياخويه ............. ياخويه
***************************
٢١ / محرم / ١٤٣٧ / هـ
لخادمة أهل البيت/ أم جمال خواهر
ما هو لحن القصيده
ردحذف