توسل بالإمام الحسن (ع)

((  توسل بالإمام الحسن   ع   ))
                ٠٠٠٠٠٠٠٠٠٠٠٠٠
           ياباب الكرم جيناك محتاجين
          نطلب منك العونه بجاه حسين
             حاشا ماترد اضيوف
             وانته بالكرم معروف
          ياباب الكرم جيناك محتاجين
                 ٠٠٠٠٠٠٠٠٠٠
          يامكرم الضيف وبالعطا معدود
          يالماخاب عندك وافد اومقصود
         جينا اندق على بابك يبحر الجود
         حاشاك اليقصدك بالإهانه ايعود
               إسمك صار معلوم
                بالمحتاج ملزوم
        ياباب  الكرم  جيناك  محتاجين
              ٠٠٠٠٠٠٠٠٠٠٠٠٠
        جينا يالحسن يامنبع الإحسان
          ياتاج الكرامه ورحمة الديان
         جينا البابك المعروف بالعنوان
      مأوى الضيف والوافد مدى الأزمان
               بيدك عروة الكون
              منك نطلب العون
        ياباب  الكرم  جيناك  محتاجين
             ٠٠٠٠٠٠٠٠٠٠٠٠
         ياروح  الزچيه  ومهجة  الكرار
         يانور الدجى وريحانة المختار
         ياباب الكرم  والجود والأسرار
         يم بابك وقفنا يالحسن  خطّار
                  ضيّفنا يمولاي
                إنته الحسن وفَّاي
         ياباب الكرم جيناك محتاجين
               ٠٠٠٠٠٠٠٠٠٠٠٠
           تدري يالحسن بالزمن وبغدره
           وتدري بالعدو وبقسوته وشرّه
           علينا اتكالبو  يامهجة الزهرا
       مسينا ابهمّ ونصبح يالولي ابحسره
                نعيش أحزان ومصاب
                والمهدي امطوِّل اغياب
            ياباب الكرم جيناك محتاجين
                  ٠٠٠٠٠٠٠٠٠٠٠٠
              إي والله علينا ياأبو القاسم
           زمنّا صار قاسي وما أكو راحم
            علينا  طالت الغيبه  من القآئم
             ولا عدنا أمل غيره بدر هاشم
                 نخوه يالحسن لينا
                يعجّل  فرج  مهدينا
            ياباب الكرم جيناك محتاجين
            -----------------------
             ٤  / صفر  /  ١٤٣٧  / هـ
         لخادمة أهل البيت/ أم جمال خواهر