شـالمـأخرنّـك

 شـالمـأخرنّـك 

 قوم ياحيدر   قوم ياحيدر
     غسّل جنازة بو علي        قوم ياحيدر
 
       قوم  من قبرك        ياعلي  البزرك
     مطروح عاري يالولي       قوم ياحيدر

        قوم يالوالي       جهز  الغالي
     مرمي ثلاثه بالخلي        قوم ياحيدر

       الكربلا ماجيت        يالولي واريت
      لبنك يسلطان الغري      قوم ياحيدر

         ياعلي مالوم       للولد ما تقوم
    مرمي وراسه منبري       قوم ياحيدر

    اشعاقك اتجيله        ياعلي اتشيله
   وتدفن رياجيلي وهلي     قوم ياحيدر

   ياعلي سلمان        في المداين كان
  غسلته يانعم الوصي      قوم ياحيدر

     ياعلي نخوه        غسل الأخوه
  وادرك يبويه محملي      قوم ياحيدر

      شالمأخرنَّـك         ماتجي لبنك
   ماجاك علمه ياعلي     قوم ياحيدر

     جيب شياله       وادفن ارجاله
 وفزّع بني هاشم تجي    قوم ياحيدر

  ما تجي اتغسله        اليوم ثالث  له
  ماحد تشيّم ياعلي         قوم ياحيدر

     خويه ما شلته      عالترب عفته
   والشمر بعده كافلي     قوم ياحيدر
 
   عفته بالرمضآ     مهشم  الأعضآ
   بالكوفه آني ابلا ولي    قوم ياحيدر

          ************************
       ١٣  /  محرم   /  ١٤٣٧  /  هـ
      لخادمة أهل البيت/ أم جمال خواهر