مساء الهم والأحزان

(( مساء الهم والأحزان ))

 مساء الهم والأحزان    مساء مصيبة العطشان
             حسين واحسين واحسيناه
            💔💔💔💔💔💔💔
 مساء النوح والعبره         مساء الونّه والزفره
 مساء السلبو الحورا    عقب ماذبحوا  الوليان
مساء الصيحه والونه      مساء الضجه والرنه
مساء الطاح ابوسكنه      عفير بحومة الميدان
           💔💔💔💔💔💔💔
مساء الدمعه واللوعه      مساء اقلوب مفجوعه
حسين انداست اضلوعه
                           بحوافر خيل ابوسفيان
            💔💔💔💔💔💔💔
مسا هم وكآبه ونوح    مسا يقطع صميم الروح
على حسين القضى مذبوح
                           وظل اعلى الترب عريان
            💔💔💔💔💔💔💔
مساء المصطفى محزون
                             بقبره يهل دمع لعيون
على اوليده القضى مطعون
                          وسط قلبه ابسهم عدوان
           💔💔💔💔💔💔💔
مساء أحزان مفروضه  
                    على اللي ضلوعه مرضوضه
الزهرا اتنوح في الروضه
                         وتصيح ابصوت يالهفان
           💔💔💔💔💔💔💔
مساء الصرخه يامهدي
                          من الزهرا انذبح ولدي
وعليه اتفطرت چبدي    
                          رميه ابلا غسل واكفان
           💔💔💔💔💔💔💔
مساء الهم يبو ليمّه         ولدكم غارق بدمه
يحيدر ما وصل علمه  
                       رفع راسه الشمر بالزان
            💔💔💔💔💔💔💔
مساء الشيعه بالمأتم
                     على الراس ابحزن تلطم
على اللي انذبح بمحرم
                        وحتى الطفل والشبان
          💔💔💔💔💔💔💔
 مسا ما ينّسى ذكره
                       يظل وسط القلب جمره
على الحز الشمر نحره
                       وبعده حرقوا الصيوان
          💔💔💔💔💔💔💔
          حسين واحسين واحسيناه
          حسين واحسين واحسيناه
       -------------------------
      ١٠  /   محرم   /  ١٤٣٧   / هـ
      لخادمة أهل البيت/ أم جمال خواهر