(( في شأن الصديقة الزهراء ))
عليها السلام
-------------------------
وين اوّلي / عقب عين اميمتي
وين اولي / ومن يسكن روعتي
أمّي عني من تروح
يمتلي قلبي جروح
من بعدها وين اروح / وين اوّلي
٠٠٠٠٠٠٠٠٠٠٠
أمّي راحت يتمتني بعدي إزغيره هضيمه
توّي خمس اسنين عمري وامسي من أمي
يتيمه ٠
ياهو يرعاني بعدها آه يلحنينه الرحيمه
ابنيتچ عفتيها يمّه ليش شمسويه جريمه
ظلما دارچ / يمّه ما بيها أحد
ظلما دارچ / مقدر ادخلها بعد
مقدر ادخل حجرتچ /
يمّه وانظر فيّتچ /
ذي محلّة قعدتچ / وين اوّلي
٠٠٠٠٠٠٠٠٠٠٠٠
يمّه ردي البيت إليَّه آنا محتاجه الدلالچ
لا تهمليني ييمه ولا اتمحنيني ابعيالچ
يالحنونه الدنيا ظلما ابعيني من فارق خيالچ
ردي يايمه وخلي الموت لي آنا بدالچ
ربّي خوتي / ازغار يايمه بعدهم
ربّي خوتي / لا تخليهم وحدهم
تدري يايمه اليتم
عالولد ذلَّه وهضم
آه يافقدچ ألم / وين اوّلي
٠٠٠٠٠٠٠٠٠٠٠٠٠٠
إنتي يايمه اشبيبه بعدچ ابزهوة شبابچ
اثمنطعش عمرچ ييمه استعجليتين الغيابچ
وانا يايمه ازغيره اشلون اتحمَّل مصابچ
تنچوي روحي ييمه من أباوعهم اثيابچ
عالمصلى / خويه يايمه تمدد
عالمصلى / قعد يايمه ايتنهد
من يجي وقت الصلاه
يفرشه ويكثر بچاه
وبچي يايمه معاه / وين اوّلي
٠٠٠٠٠٠٠٠٠٠٠٠٠٠٠
يمه يايمه وابويه ما يهيّد من حنينه
ليله وانهاره مناحه مايفارق دمعه عينه
عنه ليش اتروحي يمه باليتاما اتمحنينه
منشعب قلبه ييمه اعلى الحزن الله يعينه
صعبه صعبه / حالته بويه ييمه
صعبه صعبه / فرقتچ نحّلت جسمّه
امدوده ودمعه يخر ٠
دايم امضيع الفكر ٠
رحتي يا أم البزر / وين اوّلي
٠٠٠٠٠٠٠٠٠٠٠٠٠٠٠
يمه لا اتسكني المقبره يمه لااتخربي دلالي
يمه منچ ما شبعنا ردي والبيتچ تعالي
يمه كلما شفت وحده اوياها أمها ايذوب حالي
يمه وين القاچ لـمّن بيَّه اتخون الليالي
والله جمره / فرقتچ يحبيبه يمّه
والله جمره / بالقلب يمّ الأيمّه
يمه قلبي امن الزغر
يبتلي ابچّي الجمر
آه ياجور الدهر / وين اوّلي
******************************
٧ / ربيع الأول / ١٤٣٧ / هـ
لخادمة أهل البيت/ أم جمال خواهر
عليها السلام
-------------------------
وين اوّلي / عقب عين اميمتي
وين اولي / ومن يسكن روعتي
أمّي عني من تروح
يمتلي قلبي جروح
من بعدها وين اروح / وين اوّلي
٠٠٠٠٠٠٠٠٠٠٠
أمّي راحت يتمتني بعدي إزغيره هضيمه
توّي خمس اسنين عمري وامسي من أمي
يتيمه ٠
ياهو يرعاني بعدها آه يلحنينه الرحيمه
ابنيتچ عفتيها يمّه ليش شمسويه جريمه
ظلما دارچ / يمّه ما بيها أحد
ظلما دارچ / مقدر ادخلها بعد
مقدر ادخل حجرتچ /
يمّه وانظر فيّتچ /
ذي محلّة قعدتچ / وين اوّلي
٠٠٠٠٠٠٠٠٠٠٠٠
يمّه ردي البيت إليَّه آنا محتاجه الدلالچ
لا تهمليني ييمه ولا اتمحنيني ابعيالچ
يالحنونه الدنيا ظلما ابعيني من فارق خيالچ
ردي يايمه وخلي الموت لي آنا بدالچ
ربّي خوتي / ازغار يايمه بعدهم
ربّي خوتي / لا تخليهم وحدهم
تدري يايمه اليتم
عالولد ذلَّه وهضم
آه يافقدچ ألم / وين اوّلي
٠٠٠٠٠٠٠٠٠٠٠٠٠٠
إنتي يايمه اشبيبه بعدچ ابزهوة شبابچ
اثمنطعش عمرچ ييمه استعجليتين الغيابچ
وانا يايمه ازغيره اشلون اتحمَّل مصابچ
تنچوي روحي ييمه من أباوعهم اثيابچ
عالمصلى / خويه يايمه تمدد
عالمصلى / قعد يايمه ايتنهد
من يجي وقت الصلاه
يفرشه ويكثر بچاه
وبچي يايمه معاه / وين اوّلي
٠٠٠٠٠٠٠٠٠٠٠٠٠٠٠
يمه يايمه وابويه ما يهيّد من حنينه
ليله وانهاره مناحه مايفارق دمعه عينه
عنه ليش اتروحي يمه باليتاما اتمحنينه
منشعب قلبه ييمه اعلى الحزن الله يعينه
صعبه صعبه / حالته بويه ييمه
صعبه صعبه / فرقتچ نحّلت جسمّه
امدوده ودمعه يخر ٠
دايم امضيع الفكر ٠
رحتي يا أم البزر / وين اوّلي
٠٠٠٠٠٠٠٠٠٠٠٠٠٠٠
يمه لا اتسكني المقبره يمه لااتخربي دلالي
يمه منچ ما شبعنا ردي والبيتچ تعالي
يمه كلما شفت وحده اوياها أمها ايذوب حالي
يمه وين القاچ لـمّن بيَّه اتخون الليالي
والله جمره / فرقتچ يحبيبه يمّه
والله جمره / بالقلب يمّ الأيمّه
يمه قلبي امن الزغر
يبتلي ابچّي الجمر
آه ياجور الدهر / وين اوّلي
******************************
٧ / ربيع الأول / ١٤٣٧ / هـ
لخادمة أهل البيت/ أم جمال خواهر
