(( هاي زينب راجعه ))
يوم الأربعين
---------------------
آه يازينب آه يازينب آه يازينب آه يازينب
آه يازينب ........ يمحزونه وسبيه
آه يازينب ....... رجعتي الغادريه
قعدي يختي اعلى القبر
رشي ماي اعلى الصدر
طفي نار احشاي بدموع الجريه
آه يازينب آه يازينب
.......................
جيتي امن الشام يختي يالحزينه
جبتي وياچ الفواطم يامصونه
جبتي يازينب رقيه وي سكينه
جبتي سجادي علي نور المدينه
جبتي اوياچ راسي
ترى للآن أقاسي
مابرح دمي يصب
من وريدي والقلب
ركبي راسي اعلى النحر يالهاشميه
آه يازينب آه يازينب
.........................
الكربلا امن الشام رديتين يختي
إعزيزت افادي رقيه اوياچ جبتي
وچان جبتي الراس دنّي من حفرتي
ركّبيه ياريحة امّي اعلى رقبتي
لـمّي اعروق نحري
شوفي ادماي تجري
والسهم يوخيتي
إشلعيه من چبدتي
وامسحي الدم عن جبيني يالأُخيه
آه يازينب آه يازينب
.........................
صاحت بصوت القلب يسعر لهيبه
جيتك امن الأسر يبن امي كئيبه
جيت عميا امن البچي وامن المصيبه
اوياي راسك جبته ياروح النجيبه
ياعزي وثُمالي
قوم وشوف حالي
جيت منحوله الجسد
ذايبه مني الچبد
جيت أخبرك يالأخو ماتت رقيه
آه يازينب آه يازينب
.............................
جيت ياخويه تقوم اونيخ ظعني
جيت ياخويه اباراويك متني
جيت ياخويه وعميا العين مني
جيت ياخويه وجبت راسك ابحضني
باب القبر وينه
بدخل ياولينا
في القبر يبو علي
اوياك برقد يالولي
ما أريد العمر بعدك ياشفيه
آه يازينب آه يازينب
........................
صوت جا امن العلقمي خويه وعضيدي
هذي زينب راجعه خويه اشبيدي
قوم خويه اعلى الچتف ركّب ازنودي
وشيل سهم العين ياغاية وجودي
راسي عصّبه زين
وجيب الواي يحسين
مايصير أختي بعد
وحدها اترد البلد
لازم ارجعها المدينتها بيديه
آه يازينب آه يازينب
.................................
ماج قبر أبوالفضل من سمع أخته
راجعه امن الشام واتنوح ابتربته
هاي زينب جابها ابنفسه اعلى بخته
من وطنها او وعدها ترجع ابذمته
دق صدره اووعدها
يردها حرم جدها
غمّض اعيونه اوغفى
نسى الوعده وما وفى
وهاي زينب راجعه وملها تچيه
آه يازينب آه يازينب
.............................
١٩ / صفر / ١٤٣٧ / هـ
لخادمة أهل البيت/ أم جمال خواهر
يوم الأربعين
---------------------
آه يازينب آه يازينب آه يازينب آه يازينب
آه يازينب ........ يمحزونه وسبيه
آه يازينب ....... رجعتي الغادريه
قعدي يختي اعلى القبر
رشي ماي اعلى الصدر
طفي نار احشاي بدموع الجريه
آه يازينب آه يازينب
.......................
جيتي امن الشام يختي يالحزينه
جبتي وياچ الفواطم يامصونه
جبتي يازينب رقيه وي سكينه
جبتي سجادي علي نور المدينه
جبتي اوياچ راسي
ترى للآن أقاسي
مابرح دمي يصب
من وريدي والقلب
ركبي راسي اعلى النحر يالهاشميه
آه يازينب آه يازينب
.........................
الكربلا امن الشام رديتين يختي
إعزيزت افادي رقيه اوياچ جبتي
وچان جبتي الراس دنّي من حفرتي
ركّبيه ياريحة امّي اعلى رقبتي
لـمّي اعروق نحري
شوفي ادماي تجري
والسهم يوخيتي
إشلعيه من چبدتي
وامسحي الدم عن جبيني يالأُخيه
آه يازينب آه يازينب
.........................
صاحت بصوت القلب يسعر لهيبه
جيتك امن الأسر يبن امي كئيبه
جيت عميا امن البچي وامن المصيبه
اوياي راسك جبته ياروح النجيبه
ياعزي وثُمالي
قوم وشوف حالي
جيت منحوله الجسد
ذايبه مني الچبد
جيت أخبرك يالأخو ماتت رقيه
آه يازينب آه يازينب
.............................
جيت ياخويه تقوم اونيخ ظعني
جيت ياخويه اباراويك متني
جيت ياخويه وعميا العين مني
جيت ياخويه وجبت راسك ابحضني
باب القبر وينه
بدخل ياولينا
في القبر يبو علي
اوياك برقد يالولي
ما أريد العمر بعدك ياشفيه
آه يازينب آه يازينب
........................
صوت جا امن العلقمي خويه وعضيدي
هذي زينب راجعه خويه اشبيدي
قوم خويه اعلى الچتف ركّب ازنودي
وشيل سهم العين ياغاية وجودي
راسي عصّبه زين
وجيب الواي يحسين
مايصير أختي بعد
وحدها اترد البلد
لازم ارجعها المدينتها بيديه
آه يازينب آه يازينب
.................................
ماج قبر أبوالفضل من سمع أخته
راجعه امن الشام واتنوح ابتربته
هاي زينب جابها ابنفسه اعلى بخته
من وطنها او وعدها ترجع ابذمته
دق صدره اووعدها
يردها حرم جدها
غمّض اعيونه اوغفى
نسى الوعده وما وفى
وهاي زينب راجعه وملها تچيه
آه يازينب آه يازينب
.............................
١٩ / صفر / ١٤٣٧ / هـ
لخادمة أهل البيت/ أم جمال خواهر
ليست هناك تعليقات:
إرسال تعليق