(( بيموت چنَّه ))
في استشهاد الرسول الأكرم
صلى الله عليه وآله
-------------------------
دنّق الراسه / وسكنت انفاسه
يحيدر
چنه والينه / غربت عينه
يحيدر
بطّل الونّه أبويه وغمض العين
عالصدرمالت رقبته ياأبوحسين
شيل عن راسه الوساده ياضياالعين
مدده ورجله اسبلها ومد ليدين
مد عليه شاله / وقرّب اعياله
يحيدر
إمسح اجبينه / غربت عينه
يحيدر
والدي چنّه يحيدر ناوي لوداع
غمض اعيونه أشوفه ومد لذراع
ياعلي بيموت چنه والدي الساع
ياعلي الحالة أبويه قلبي ارتاع
روحي منتحله / مقدر انظر له
يحيدر
ماد رجلينه / وغربت عينه
يحيدر
فاق من غشوته ونادى يازچيه
حان وعدي امفارقنچ هالعشيه
هذا ملك الموت جاني للمـنيه
ودعي لي اوداع الأبد يالهاشميه
جيب أولادي / مهجة افادي
يحيدر
الجد يودعونه / غربت عينه
يحيد
هذا عزرائيل واقف يالنجيبه
ايريد أخذ الروح مني يالحبيبه
يانظر عيني استعدي للمصيبه
صاحت الدلاّل ذايب من لهيبه
نخّت الوالي / بعده اشحالي
يحيدر
الهضم يلفينا / وغربت عينه
يحيدر
إبشروا بعدي ابهضايم والنوايب
واستعدوا للفجيعه والمصايب
بيكم اتخون الوصيه هالنواصب
بالحبل ينسحب فلال الكتايب
يكسروا ضلعچ / تنخي السبعچ
يحيدر
الحمل ترمينه / وغربت عينه
يحيدر
اوياها يحچي وماتفتَّل من كلامه
الروح فاضت صارضجَّه امن اليتاما
والبتوله ابصوت صاحت مو مُلامه
فوقه خرت آه يبويه امع السلامه
اوياه دفنوني / ياضوى اعيوني
يحيدر
راح ماايجينا / غربت عينه
يحيدر
**************************
٢١ / صفر / ١٤٣٧ / هـ
لخادمة أهل البيت/ أم جمال خواهر
ليست هناك تعليقات:
إرسال تعليق