عتـاب

((        عـتـاب        ))
                في زيارة الأربعين
             ----------------------
    ليش ياشيخ لنصار    ليش إسمي تهمله
    ابدفترك ما تكتب اسمي
                            وليش ماني امسجّلَه
                 ٠٠٠٠٠٠٠٠٠٠٠٠٠
       اتسجّل الزوار إنته ابدفترك واتدوّنه
     ليش في دفترك إسمي ماكتبته هالسّنه
    ياحبيب انجرح قلبي حسين مقدر أسلنه
   مقدر أقعد في لديار    وماأروحن كربلا                      
    ليش ما تبصم جوازي
                           وليش ماني امسجله
               ٠٠٠٠٠٠٠٠٠٠٠٠٠٠٠
      ليش إسمي ماكتبته في سجلَّك ياحبيب
     ليش في هالعام مالي في زيارتكم نصيب
   ليش اظل محروم من دون الملا وصل الغريب
   ليش ما يعلق اغبار      في ثيابي واحمله
     ليش تكسرني يغاتي
                             وليش ماني امسجله
             ٠٠٠٠٠٠٠٠٠٠٠٠٠٠٠٠
     ياحبيب اعتب عليك ابهالسنه وليَّه العتب
     ليش في دفترك إسمي هالسّنه ماينكتب
     حسين فوَّض إلك زواره العاشق والمحب
   والعشق عنواني صار
                            في شراييني احمله
    اشلون إسمي ماتدونه
                           وليش ماني امسجله
             ٠٠٠٠٠٠٠٠٠٠٠٠٠٠٠
    من قلب أعتب عليك   الله ياشيخ الزلم
    الحسين أعطاك شغله دفتر وحبر وقلم
   وقال لك كلمن يريد ايزورني خط الإسم
    وانا والله شوقي حار
                            ردت ازوره ووصله
   بس أنا ماشوف إسمي
                          ليش ماني امسجله
          ٠٠٠٠٠٠٠٠٠٠٠٠٠٠٠٠
 زين إذا مالي نصيب ابهالسنه ولالي بخت
  ماانكتبت لي زياره اولا انقطع ليّه التكت
     زور إنته بالنيابه عني في كل الوقت
  حب يمينه واليسار      وبين عينه قبّله
  بس أحلفك كل سنيني
                       عندك إسمي اتسجله
      **************************
       ١٢ /  صفر / ١٤٣٧ /  هـ
     لخادمة أهل البيت/ أم جمال خواهر