................
خذ منَّا العهد ياساقي
الكوثر
دنيا وآخرة ويّاك ياحيدر
إخذ مناالعهد
نبقى للأبد
دنياوآخرة وياك ياحيدر
٠٠٠٠٠٠٠٠٠٠٠٠
ياحبل النجاة اوياك دنيا
وآخرة باقين
غيرك مانريده اولانبايع
له يبو الحسنين
عاهدنا رسول الله ابعلي
للموت متمسكين
لودمنا يسيل انهار في
حبَّك يحامي الدِّين
ياخير العمل
مانرضى بدل
دنيا وآخرة وياك ياحيدر
٠٠٠٠٠٠٠٠٠٠٠٠
حيدر ياعلي نهواك حبك
في دمانا سار
ابشريان القلب تسري
محبتك ياعلي الكرار
هيّمنا العشق صوبك
ودولبنا يحامي الجار
علي يابوالحسن نلهج
ابإسمك ليلنا ولنهار
ابدقات القلب
نسمعه وننطرب
دنيا وآخرة وياك ياحيدر
٠٠٠٠٠٠٠٠٠٠٠٠
غيرك أبد ماانريده ولا
انطيعه ولانهواه
إنته وبس أمير النا
قبل الخِلْقه بايعناه
بالأعناق هالبيعه رسول
الباري عاهدناه
ولينا بالحيا والموت
نبقى للأبد وياه
نجدد بيعته
نقر بولايته
دنيا وآخرة وياك ياحيدر
٠٠٠٠٠٠٠٠٠٠٠٠٠
ماتحلى الإمارة اولاتلوق
الاَّ إلى حيدر
الله امنصبه اعلى الكون
كله قبل خلق الدَّر
صك الجنَّه ابإيده علي
وبإيده الكوثر
ريح الجنَّه ما ايشمها
اليبغضه وبسقريُحشر
وفاز البايعه
محمد شافعه
دنيا وآخره وياك ياحيدر
٠٠٠٠٠٠٠٠٠٠٠٠٠٠
١٨/ ذي القعدة /
١٤٣٧ هـ
ليست هناك تعليقات:
إرسال تعليق