(( في استشهاد ))
جواد الآل ع
.................
على امصاب الجواد
اتزلزل الدِّين
وناحت له السَّمآ وسبع
الأراضين
عليه الكون أظلم
يوسفه ميِّت ابسم
شباب اوما وصل سنّ
الثلاثين
٠٠٠٠٠٠٠٠٠٠٠٠٠
حسافه اويا ألف وسفه
على تاسع اليمّه
غريب الدار في بغداد
مات بأثر سمّه
أمّ الفضل غدرت به اوبيه
افتجعت أمّه
ياوسفه عليه ايلوج
ماحدحضر يمه
جرع كاس المنيّه
قضى ابسمّ الدعيه
غريب اوكل هله عنه
بعيدين
شباب وما وصل سنّ
الثلاثين
٠٠٠٠٠٠٠٠٠٠٠
غريب ونالت الفرصة
العدوّه وفتت احشاه
سقت له السّم ودب چبده
ايتلوى وماحد اوياه
ثلثتيام ظل مرمي تصهره
الشمس ويلاه
يليت الزهرا تحضر له
تنوحه وتنصب اعزاه
يليت اهل المدينه
لنعشه ايشيعونه
وياليته يجيه امشيّد
الدّين
شباب وما وصل سنّ
الثلاثين
٠٠٠٠٠٠٠٠٠٠٠٠
جواد الآل ياوسفه عليه
ابأرض بغداد
قضى مسموم ياويلي
وقذف بالطشت لفاد
غريب ايلوج في داره
العشيرة عنّه ابعاد
ثلثتيام ظل مرمي
يشابه أبو السجاد
الرضا ياليته يلفيه
يلم چبده ويداويه
ينزله عن سطح بيته
يمده ويغمض العين
شباب وما وصل سن
الثلاثين
٠٠٠٠٠٠٠٠٠٠٠٠
الرضا عنده حضر ليته
يعاين حاله اشلون
يلوج ومنفطر چبده
شبح للباب لعيون
بلكت من جواريَّه
أوالغلمان يلفون
يدوّر قطرة اميَّه
ولكن خاب لظنون
عليه امغلقه لبواب
وبعيده عنه لحباب
وقطرة مآي ما توجد
حشاه انقسم نصين
شباب وما وصل سن
الثلاثين
٠٠٠٠٠٠٠٠٠٠٠٠
الفلك لجله انطبق بالهمّ
ومرجونه الوطيه
الشمس غابت على موته
وبكت سبع العليه
عليه فاطمه المعصومه
انصبت نوح اوعزيه
الرضا في طوس لمصابه
يونّ ونّه خفيه
نصب مأتم لبزره
يشيعه عظمو أجره
وعزّو صاحب الغيبه
ابمصابه وهلّو العين
شباب وما وصل سن
الثلاثين
٠٠٠٠٠٠٠٠٠٠٠٠٠٠
٢٩ / ذي القعدة
١٤٣٧ / هـ
لخادمة أهل البيت/
أم جمال خواهر
ليست هناك تعليقات:
إرسال تعليق