(( بانت خيوط الفجر ))
في شأن الأمير
عليه السلام
٠٠٠٠٠٠٠٠٠٠٠٠
علي يابويه علي يابويه
علي يابويه علي يابويه
صاروقت الفجر إقعد
علي يابويه
٠٠٠٠٠٠٠٠٠٠٠
فتح اعيونك يبويه بانت
اخيوط الفجر
قوم أذّن يبو زينب ترى
العالم تنتظر
بويه موعادتك تغفي عن
صلاتك يالذخر
زايد الونّه أشوفك ضيّقت
منّي الصدر
العرق يجري يابعد عمري
والنِّفس ينزل ويصعد
علي يابويه
٠٠٠٠٠٠٠٠٠٠٠٠
ياللي طول الليل واقف
للتهجّد والصلاه
صافّ رجلينك تناجي في
خشوعك للإلٰه
الفجر بانت اخيوطه ياأبو
زينب تراه
قوم صلّي بالجماعه يابعد
قلبي ومناه
ضجَّت الوادِم تنطر العالم
قوم صلّ بيها وتهجّد
علي يابويه
٠٠٠٠٠٠٠٠٠٠٠
فتح نص عينه او ونينه
يفجع اليَمَّه
ايريد يحچي اوياها لكن
ينقطع نَسْمَه
آچِبَتْ فوقه وحطت ذانها
ابفمَّه
سمعته ايقلها يزينب
شدّي الهمَّه
يابه ودعيني السَّاتفقديني
لا تصيحي بصوت لحّد
علي يابويه
٠٠٠٠٠٠٠٠٠٠٠٠
يابه الله اوياچ موتي
قرب ميحانه
باچر اتشوفين حيدر
خالي امچانه
ودّعيه الله وقومي
جهزي أچفانه
واطوي امصلاَّه يابه
وطبقي قرآنه
العيد لو جاكم نصبوااعزاكم
لِبْسي ثوب العيد أسوَد
علي يابويه
٠٠٠٠٠٠٠٠٠٠٠٠
٢٠ / ٨ / ١٤٣٧ / هـ
لخادمة أهل البيت/ أم جمال خواهر
ليست هناك تعليقات:
إرسال تعليق