*******************
بايعنا وانجدد عهد وياك ياحيدر
إنته ولينا للأبد ياساقي الكوثر
هذا عهدنا غيرك ماردنا
نحيا ونموت اعلى الوفا هيهات نتغير
*************
الله علينا نصّبك يابو الحسن والي
وصارت فريضه اولايتك
ياحجة العالي
واجبه بعناق البشر لوّلي والتالي
واليرفضك جيبه صبح يابو الحسن خالي
ميزانه مختل لا ماايتعدل
خسران حتماً هالذي عاداك في المحشر
**************
بايعنا وانجدد عهد هاليوم إلك جينا
ياآية الله ورحمته وياوصي هادينا
إنته الأمير المنتصب من أمر بارينا
غيرك أبد ما انبايعه تنقطع أيدينا
غيرالصميده لا ما نريده
مولانا دنيا وآخره ياساقي الكوثر
**************
حيدر أميري ياعلي ياصاحب البيعه
للأبد عهد اتسجله يامرتضى الشيعه
غيرك مانقبل ياعلي والله ولا انطيعه
هيهات عهدك ننقضه يالوالي وانبيعه
عهدك كتبناه ابدمنا شربناه
يجري بشرايين الجسد
ياليث ياقسور
***************
منصوب ياحيدر علي امن الله بلولايه
والبيعه هذي واجبه
وبيها انزلت آيه
خاب وخسر كلمن رفض إمرتك مولايه
ياللي توالي المرتضى رددها ويايه
عهدي لمولاي مدّيت يمناي
كل يوم اجدد للعهد وياك ياحيدر
***************
ابعيد الغدير المنتظر جينانبارك له
وانجدد اوياه العهد وانخاطبه انقله
طال الغياب امته الفرج يامنقذ المـلَّه
يمته ابجنابك نجتمع في مسجد السهله
والهم تزيله يبن الجليله
ابيوم الغدير انبايعك يالوارث الحيدر
****************
١٣/ ذي الحجة /١٤٣٦/هـ
لخادمة أهل البيت/
أم جمال خواهر
(( كربلاء المقدسة ))
ليست هناك تعليقات:
إرسال تعليق