(( وصل ظعني ))
العودة من الشام
٠٠٠٠٠٠٠٠٠٠٠٠
خويه جينا * قوم إلينا
نزّل اظعون الفواطم *
آني زينب *جيتك انحب
قوم يابدر الهواشم *
يالجبتني * قوم ردني
للمدينه*
٠٠٠٠٠٠٠٠٠٠٠٠
ردت اظعوني يخويه
امن السَّبي ياكافلي*
ذايبه امن الحزن روحي
قوم نزّل محملي *
قوم باراويك متني
ياكفيلي منصلي *
امن الضرب وارم يخويه
شوفه ياريحة هلي *
خويه جينا* قوم إلينا
حشِّم الأكبر وجاسم *
يالجبتني * قوم ردني
للمدينة *
٠٠٠٠٠٠٠٠٠٠٠
ياللي نايم عالشريعه
قوم واعقل ناقتي *
امن السَّبي رديت خويه
قوم عاين حالتي *
شاب راسي انعمت عيني
خويه راحت قوَّتي *
الشمر بيَّه اشسوّى
قومواشوفوايخوتي*
خويه جينا* قوم إلينا
ليش فوق النهر نايم*
يالجبتني*قوم ردني
للمدينة*
٠٠٠٠٠٠٠٠٠٠٠
وصل ياعباس ظعني
ماإله هودج اوحارس*
قوم شوف اشلون
جسمي
امن الشمس والضرب
يابس*
بعدكم شمر وخوَلّي
دخّلوني بالمجالس*
بالحبل وايزيد شفته
اعلى التخت مخمور
جالس*
خويه جينا*قوم إلينا
شبعنا ذلَّه وهضايم*
يالجبتني*قوم ردني
للمدينة*
٠٠٠٠٠٠٠٠٠٠
عفيه ياعباس نايم
عالنهرياخويه بعدك*
خويه ماهزّك اعتابي
وانا يم قبرك وانشدك*
وصل ظعني خويه
انهض
محملي نزله اعلى زندك*
ماأعذرك يبو فاضل
ماوفيت اويايه وعدك*
خويه جينا*قوم إلينا*
يالقلت بتردني لازم*
يالجبتني* قوم ردني
للمدينة*
٠٠٠٠٠٠٠٠٠٠٠
الندا جاها يزينب
خفّي اعتابچ عليّه*
اشلون يازينب اتريدي
مني أعقل للمطيّه *
وانتِ تدري يالوديعه
اچفوفي مقطوعه
سويه *
غصب اعليه أعوفچ
ترجعي وحدچ يخيه*
خويه جينا*قوم إلينا*
أسمعچ والقلب حايم*
يالجبتني* قوم ردني
للمدينة*
٠٠٠٠٠٠٠٠٠٠٠
١٥/ صفر/ ١٤٣٨/ هـ
(( كربلاء المقدسة ))
لخادمة أهل البيت
أم جمال خواهر
ليست هناك تعليقات:
إرسال تعليق