(( الغالي وينه ))
فقد الرسول الأكرم
صلى الله عليه وآله
************
أبويه افراقه شدّه ٠
حياتي صعبه بعده٠
راح القبر ٠ والنا بعد
مايرجع٠
٠٠٠٠٠٠٠٠٠٠٠
رحل عني أبويه
واظلمت بعده الليالي٠
ابيتم ظليت أذوب إذا
أشوف امحلّه خالي٠
ركن عزّي هوى وبعده
بقت متوجّله وتصرخ
جهالي ٠
يحيدر ودني يم قبره
أشم تربه وِله أتشكّى
حالي٠
جمر يچوي مصابه٠
فجع قلبي غيابه ٠
راح القبر والنا بعد
مايرجع٠
٠٠٠٠٠٠٠٠٠٠٠
أبويه حجرته ظلما
وخالي منبره يعمي
لعيني٠
حسافه اتوسّد ابلحده
وبقت بعده ابيتم تبچي
بنيني٠
يليت الموت ماخذني
قبل عزّي ويوسدني
يميني٠
أبو ابراهيم ما يسوى
العمر بعده ابصف قبره
ادفنوني ٠
أنا اتمنّى مماتي٠
شلي بعده ابحياتي٠
راح القبر والنا بعد
مايرجع٠
٠٠٠٠٠٠٠٠٠٠٠
الغالي وينه ياحيدر
دفنته خذني القبره
أباشفّي غليلي٠
صبر ماعندي ماأقدر
على افراق الأبوضايع
دليلي٠
أبويه فرقته صعبه
عمى اعيوني وصبح
دوبي عويلي٠
يليته الليل مايمسي
عليّه وهادم اللّذه
يجيلي٠
أصبّح وامسي انعي٠
ويهل عالوجنه دمعي٠
راح القبر والنا بعد
مايرجع ٠
٠٠٠٠٠٠٠٠٠٠٠
فقد الأبو جمرة لظى
وسط القلب ماتنطفي
تتوقد٠
يابو الحسن خذني إله
بلچن جمر قلبي ابترابه
تبرد٠
مقدر أصد المنبره خالي
أشوفه املحفينه باللباس الأسوَد٠
ومقدر أشوف حسين
ايحن
دمعه يهل ويصيح في
وين الجد ٠
دابت ييمّه چبدي ٠
يُمّه نساني جدي ٠
راح القبر والنا بعد
مايرجع ٠
٠٠٠٠٠٠٠٠٠٠٠٠٠
٢٥ / صفر/١٤٣٨/ هـ
( النجف الأشرف )
لخادمة أهل البيت
أم جمال خواهر
ليست هناك تعليقات:
إرسال تعليق