(( مرار العمر بعده ))
فقد الرسول ( ص )
٠٠٠٠٠٠٠٠٠٠
مات المصطفى مات
عليه الزهرا محزونه٠
كادت روحها اتروح
من شافت يغمضونه٠
صاحت خلني باشوف
أبويه لا اتغطونه ٠
خلوا حسن وحسين
إلى جدهم ايودعونه ٠
بعد الساع ماظن حبيب
الروح ايشوفونه ٠
يصبح حالهم حال
إذا جدهم يفقدونه ٠
خلوني اتمدد على
صدره وعلى امتونه٠
عساها روحي اتروح
وماظل ساعه ابدونه٠
ابصفَّه قبر ليَّه أريد
السَّا تحفرونه٠
يَمَلْكْ الموت عجّل
على ارويحة الخاتونه٠
مرار العمر بعده عسى
عمري يعدمونه٠
أويلي آه واويل
دليلي لا اتلومونه ٠
٠٠٠٠٠٠٠٠٠٠٠٠٠
٢٦/ صفر /١٤٣٨/ هـ
لخادمة أهل البيت
أم جمال خواهر
ليست هناك تعليقات:
إرسال تعليق