(( ماشي اقصد كربلا))

(( ماشي اقصد كربلا))

    ٠٠٠٠٠٠٠٠٠٠٠

صيح يوم الأربعين *

يالثارات الحسين  *

قوم جدد له البيعه

وصيح يوم الأربعين *

يالثارات الحسين    *

٠٠٠٠٠٠٠٠٠٠٠٠

قوم ياشيعي تعنّى 

ماشي اقصد كربلاء

اتراب فوق الراس خلَّه

واحمل ابإيدك لواء*

إقصد المذبوح هاللي

صار غسله بالدماء*

ابلربعين اليوم جدد

له البيعه والولاء *

قول إله بالروح والدّم

جيت البّي ياحسين *

صيح يوم الأربعين *

٠٠٠٠٠٠٠٠٠٠٠٠

روح ماشي الكربلا 

يالتدّعي شيعي ومحب*

إنثر اتراب اعلى راسك

والدمع خلّه  يصب  *

أربعين حسين تدري

يالموالي  له قرب  *

قوم جدد له البيعه

وصيح ياظامي القلب*

إحنا أنصارك وجندك

يبن امير المؤمنين  *

صيح يوم الأربعين *

٠٠٠٠٠٠٠٠٠٠٠٠٠

روح ماشي وبعدحافي

الكربلا ودق الصدر  *

أربعين المات ظامي 

وانقطع منّه النحر  *

روح واسي امّ المصايب

راجعه بعد الأسر  *

روح واتلقّى ظعنها

وعظّم إليها الأجر  *

واجبر الخاطر إمامك

علي زين العابدين *

صيح يوم الأربعين *

٠٠٠٠٠٠٠٠٠٠٠٠٠

قرب عشرين ابصفر

ياللي توالي الفاطمة*

أربعينية ولدها 

الذابحينه بالظما *

قوم روح الكربلايا

اهناك أنصب مأتمه*

زينب اوياها اليتاما

اهناك عنده امخيِّمه*

راجعه امن الأسر تنعي

لا امحامي اولا معين *

صيح يوم الأربعين  *

٠٠٠٠٠٠٠٠٠٠٠٠٠

قوم ياشيعي تلقَّى

زينب اوياها العليل*

بربعينية أخوها

جايه ابنوح وعويل*

قوم ودلِّيها اعلى قبره

وخذها يم قبر الكفيل*

مشت عنهم وهم صرعى

ادمومهم منهم تسيل *

قوم عاهدها وقلها

إحنا عشاق الحسين*

وصيح يوم الأربعين *

يالثارات الحسين  *

٠٠٠٠٠٠٠٠٠٠٠٠٠

١٦/ صفر/ ١٤٣٨/ هـ

( كربلاء المقدسة )

لخادمة أهل البيت

أم جمال خواهر