(( لا تجعله آخر عهَد ))
ياأمير امؤمنين
،،،،،،،،،،،،،،،،،،،،،،،،
للعائله نفسي هفت والقلب
مشتاق
لكن أفارق للنجف ماايهون
لفراق
قرّرت يمشي جسدي وروحي
بلعراق
تبقى ترفرف عالمناره الحيدريه
----------
مشتاقه نفسي للأهل لكن
صعيبه
أطلع من الجنّه وفارقها مصيبه
أرض السلام النجف باب الله
وحبيبه
اشلون أعوفنها صعب والله عليّه
-----------
مشتاق للأولاد قلبي لكن اهواي
صعبه أفارق للنجف تتقطّع
اچلاي
لكن قراري تظل روحي ابنجف
مولاي
وجسمي أعوفه ايروح مايصعب
عليّه
----------
قلبي أحسّه ملتهب تشتعل ناره
صعبه أفارق هالضريح اوهالمناره
مدري بعد يمته اتّهيأ لي الزياره
لو تنتهي بيّه حياتي وهاي هيّه
---------
القلب مشتاق البناتي والخواتي
وللوالده روحي اشتاقت ياحياتي
لكن أفارق للنجف هذا مماتي
افراق الوصي أعظم عليّه امن
المنيّه
----------
مقدرأقول امعاالسلامه ياحمى
الجار
بمشي اوروحي ابتظل عندك
مع الزوّار
حول الضريح اتحوم ياحيدر
الكرار
عيشه بليَّا ازيارتك ماهي هنيّه
-----------
ماأدري يمتد العمر بيّه ولسنين
وتنكتب لي العوده إلى اديار
الغريين
لاتجعله آخر عهَد منّي يبو
حسين
العود ثُمّ العود ياحامي الحميّه
،،،،،،،،،،،،،،،،،،،
✍🏻لخادمة أهل البيت
أم جمال خواهر
الجمعة :
19 / ربيع الأول
1439 / هـ
(( النجف الأشرف ))
ليست هناك تعليقات:
إرسال تعليق