(( فقد السيدة رقية ))
عليها السلام
"""""""""""""""""
ابعمر الورّد يبنيِّتي ورحتي
امن ايديّه،
ذوّبتي روحي والحشا آه يارقيه،
موتچ فجعني وهيجتي حزني
بعدچ صغيره وعاجلت بيچ المنيَّه
ورحتي امن ايديَّه،
----------------
يبنيِّتي رحتي من ايدي ابعمرلورود،
خدّچ الناعم ياحسافه ضمَّه الحود،
خليتي قلبي والحشا نيران موقود،
ياهل تُرى يالغاليه أيَّامچ اتعود،
واتضوّي دنياي يانورعيناي
لو هي بعيده سفرتچ مامنهاجيَّه
ورحتي امن ايديّه،
-----------------
ياوردة الجوري اذبلت من فوق
لغصون،
وراحت من ايدي واتركت دلاّلي
محزون،
يُمّه رقيه الموتتچ ضايق بي الكون،
وچبدي چوتها موتتچ ياماي لعيون،
طفله وغريبه ابوسط الخريبه
وعلى التراب امدَّده صعبه عليّه
ورحتي امن ايديَّه،
----------------
اشحال التموت ابنيّته ابحضنه
يهالناس،
والله صعيبه موتتچ ياوردة الياس،
بعدچ صغيره اتعالجي سكرة
الأنفاس،
اشحال التموت ابشهقة الحسره
على الرلس،
من شافت الدّم خضّب المبسم
شهقت ومنها الروح راحت ويه عليَّه
ورحتي امن ايديَّه،
-----------------
الله يساعد قلبهاالفقدت بنتها،
مثل الورِد ذبلت وراحت مقبرتها،
ويش اليطفّي النارهاللي شعِّلتها،
تتمنّى لميمه العمر فِدوَه البختها،
منهاالحشاذاب واتشمّ للثياب
يُمَّه ابتعودي للحضن لوهاي هِيَّه
ورحتي امن ايديَّه،
----------------
ورده ونشمها راحت الورده امن
ايدينا،
للمقبره راحت شيرجّعها علينا،
واشقد تألّمنا عليها اشقد بچينا،
والله رقيه موتتچ نار انچوينا ،
جددتي أحزان ذبحة العطشان
لنصب عليچ النوح كل صبح اومسيّه
ورحتي امن ايديَّه،
،،،،،،،،،،،،،،،،،،،،،،،،،،
✍🏻لخادمة أهل البيت
أم جمال خواهر
12 / ربيع الثاني
1439 / هـ
ليست هناك تعليقات:
إرسال تعليق