(( ملتهب جرحه ))
وااعلـيَّـاااه
➖➖➖➖➖➖
ضربة الراس شديده.
ضربة الراس .
عندي احساس يخوتي .
عندي احساس .
بويه حيدر هقوتي.
منّا رايح يخوتي .
ضربة الراس شديدة.
ضربة الراس .
➖➖➖➖➖➖➖
يخوَتي چنّه أبونا زايد الليله
ونينه .
والجرح چنّه تورّم والورم وصّل
لعينه .
زادت الصفره يخُوتي وانقلب
يالحسن لونه .
قوموا غيروهالعصابه فاض دمّه
اعلى جبينه .
....
بلّله ابماي لِسانه.
بلّله ابماي.
خاب رجواي أظنّه.
خاب رجواي .
....
هالمسيّه والدي .
چنّه رايح من يدي .
....
ضربة الراس شديدة .
ضربة الراس .
➖➖➖➖➖➖➖
يبو محمد دير بالك للأبو عاين
احواله .
چنّه ياخويه الليله منكسف نوره
وجماله .
ملتهب جرحه ومصفرّ لونه ياروح
الرساله .
جيب له جرَّاح خويه ايعالجه
ويكتب دوى له .
....
الجرح آذاه يخوتي
الجرح آذاه .
وخلصت ادماه نزفها
خلصت ادماه .
....
سيل جرحه ماوقف .
شوف جسمه يرتجف .
....
ضربة الراس شديدة
ضربة الراس .
➖➖➖➖➖➖
قوم للجرّاح جيبه ياحسن
بالعجل يمّه .
شوف أبويه انتفخ جرحه ملتهب
وايسيل دمّه .
خوفتي ياخويه السّم انتشر
بجميع جسمه .
جيبواالجرّاح خلّه ايعالجه من
أثر سمَّه .
....
فتت الروح أبويه
فتت الروح .
راسه مجروح وينزف
راسه مجروح .
....
مقدر اسمع ونّته.
عمت عيني الشوفته .
....
ضربة الراس شديده
ضربة الراس .
➖➖➖➖➖➖
فتّح اعيونه اوقلها خفّي يازينب
حنينچ .
يابه ماينفع ابجرحي اعلاج بس
الله يعينچ .
باقي هالليله أبوچ اوياچ يتحسس
ونينچ .
الجابله تنزل مصيبه افراق مابيني
وبينچ .
....
شدّي لعزوم يزينب
شدِي لعزوم .
لا اتهقي ايقوم وليكم
لا اتهقي ايقوم .
....
بيرقچ يابه انكسر.
ما بيتمم هالشهر .
....
ضربة الراس شديده
ضربة الراس .
➖➖➖➖➖➖
خرّت اعلى صدر ابوها اتشمّه
واتهلّ الدمعها.
اتناشده بالله ورسوله وفاطم
الزهرا وضلعها.
لا اتفاول بالمنيه الله منّك لا
سمعها .
اتقوم لينا بالسلامه يبو زينب
ياسِبعها.
....
يومك ابعيد يوالي
يومك ابعيد.
اتعيّد العيد يغالي
اتعيّد العيد .
....
عسى تسلم يالأبو
ولا شِمَت بيَّه العدو
....
ضربة الراس شديده
ضربة الراس .
➖➖➖➖➖➖
🖍لخادمة
أهل البيت
أم جمال خواهر
19 / رمضان
1438 / هـ
ليست هناك تعليقات:
إرسال تعليق