( طاح العرش ))
واااعلَّياااه
➖➖➖➖➖➖➖
عرش الله انهدم والكون مقلوب .
علي الكرارفوق الراس مصيوب .
........................
ياوسفه انهدم عرش القداسه .
وانفصمت عُرى الدِّين وأساسه .
بن ملجم فلق بالسيف راسه .
خر اعلى الوجه بدماه مخضوب .
........................
طاح العرِش واعموده تهدّم .
والعروة الوثقى يسبح ابدم .
غاله في صلاته إبن مُلجم .
على امصابه يقلبي اتفطر
اوذوب .
.........................
صرخه بالسمآ هزّت الوادي .
ابمحرابه انچتل ناصرالهادي .
راسه انفلق من سيف المرادي .
دمه سال مثل النهر مصبوب .
..........................
صارت لغبَرَه والكون مِسوَد .
وجبرائيل يصفق يدٍّ ابيَد .
علي المرتضى الله اولحَّد .
شقّوا هامته والشيب مخضوب .
........................
قوموا بالعجل يولاد حيدر .
حيدر وسط محرابه تطبَّر .
راسه منفلق وادماه فوَّر .
لحقوا اعلى الأبو ياثمرلقلوب .
...........................
سمعت زينب الصرخه ولنياح .
طلعت تصفق ابراحٍ على راح .
راح المرتضى ياعزوتي راح .
هذا جبرئيل ايقول مصيوب .
...........................
قوموا كلّكم يشبول عدنان .
روحواالمسجده بالعجل يخوان .
كشفوالي خبرفارس الفرسان .
قلبي يخوتي كالجمر مشبوب .
...........................
خويه ياحسن خويه يمظلوم .
ياعباس خويه بالعجل قوم .
للجامع وشوفوا بحر لعلوم .
لو بطلع أني باهيم لدروب .
..........................
صرخة جبرئيل اكسرت ظهري .
صوته ايقول طاح اعمود خدري.
بالمحراب دمّ الراس يجري .
قلبي يشتعل يشبه اللاَّهوب .
➖➖➖➖➖➖➖➖
🖍لخادمة
أهل البيت
أم جمال خواهر
18 / رمضان
1438 / هـ
ليست هناك تعليقات:
إرسال تعليق