(( راح أبو الأيتام ))
واعليَّاه
➖➖➖➖➖➖➖
آه واويلاه يصرخ جبرئيل .
آه واويلاه يصرخ جبرئيل .
ياحسافه مات حماي الدخيل .
ياحسافه مات حماي الدخيل .
.....................
زلزل الأكوان جبريل ابنياح .
....
مات حيدر مات حيَّ اعلى
الفلاح .
....
راح أبو الأيتام
والإحسان
راح .
....
ظلّت الأيتام بعده ابلا كفيل .
ظلّت الأيتام بعده ابلا كفيل .
..................
بالسّمآ جبريل يصفق بالچفوف .
....
ويهمل الدمعات عالوجنه ذروف .
....
ياحسافه فارقت روحه العطوف .
....
وصعدت الروح الزچيّه للجليل .
صعدت الروح الزچيه للجليل .
..................
آه واويلاه يصرخ بالسّمآ .
....
جبرئيل اومدمعه يجري دِمآ .
....
مات ياشيعه علي حامي الحِمى .
....
والعرش لمصيبته يهتزّ يميل .
والعرش لمصيبته يهتزّ يميل .
...................
آه واويلاه مرتجّ الفضآ .
....
جبرئيل ايصيح مات المرتضى .
....
عظَّم الله أجْرُكم يالرافضه .
....
إنصبوا المأتم وعزّواأمّ
القتيل .
إنصبواالمأتم وعزّوا أمّ
القتيل .
.....................
آه واويلاه ياعظم المصاب .
....
مات مصباح الهدى وفصل
الخطاب .
....
تبچي لجله البَيِّنَه وأمِّ
الكتاب .
....
ويبچي القرآن والدِّين الأصيل .
يبچي القرآن والدِّين الأصيل .
....................
اشحال زينب هالمسيَّه ياعلي .
....
وفاقده سور اليتاما والولي .
....
اشحالها تنظر لمحرابه خلي .
....
ليلة القدر الولي شدّ الرّحيل .
ليلة القدر الولي شدّ الرّحيل .
....................
ليلة القدر الشريفه ياأسف .
....
إنطفى نور الإمامه امن النجف.
....
مات داحي الباب والكون انخسف
....
السّمآ والأرض ضجّوا بالعويل .
السّمآ والأرض ضجّوا بالعويل .
➖➖➖➖➖➖➖➖
🖍لخادمة أهل البيت
أم
جمال خواهر
20 / رمضان
1438 / هـ
ليست هناك تعليقات:
إرسال تعليق