(( أعيادي مآتم )) لسان حال زينب عليها السلام

 (( أعيادي مآتم ))

لسان حال زينب

  عليها السلام

➖➖➖➖➖

لاتذكروا العيد يمِّي

ولاتذكرون الفرح .

مقدر اسمع ماتحمَّل

تدروا بي قلبي انجرح .

اشلون يحلا العيدإليَّه

والأبو دمَّه سِفح .

ليلة القدر الشريفة 

راح يصلِّي وانذبح .

٠٠٠٠٠٠٠٠٠٠٠٠٠٠

لاتجيبوا ليَّه طاري 

العيد مقدر أسمعه .

تنصدع روحي اعلى

بويه راح ليَّه اشيرجعه .

كلها أيامي حزينه

بالمآسي املوّعه .

والفرح فارق حياتي 

كل حياتي فاجعه .

٠٠٠٠٠٠٠٠٠٠٠٠٠

آنا أعيادي مآتم 

مايخالطها سرور.

ثوب لسوَد ما شلحته

ودمعي مابطَّل يفور .

اشلون قلبي يوم يفرح

والأبو راح لقبور .

حتى ما تممّ اصيامه

آه ياقلبي الصبور .

٠٠٠٠٠٠٠٠٠٠٠٠٠

آنا كل أيامي سودا

صايره وكلها حزن .

من ونا ابسن الطفوله

امدولب اوياي الزمن .

جدي وامّي وهالسَّا بويه

ابليلة القدر اندفن .

بعد ياعيد اتهنّى 

بيه ياقلبي انسحن .

٠٠٠٠٠٠٠٠٠٠٠٠٠

  🖍لخادمة أهل البيت

      أم جمال خواهر

    1 / شوال 

      1438 / هـ

(( يوم القدس )) العالمي

((  يوم القدس  ))

      العالمي

٠٠٠٠٠٠٠٠٠٠٠٠٠

ياقُدسُ ..  

يامهد الأنبياء .

..

ياقُدسُ .. 

تبكي لكِ السّماء .

..

غريبةٌ .. أسيرةٌ .. 

قلَّ لكِ النَّصير.

..

حزينةٌ .. رهينةٌ .. 

وجرحكِ كبير .

..

من جرحكِ العميق ..

..

كم .. وكم .. 

نزفتِ مِن دِماء ..

..

ياقُدسُ .. 

يامهد الأنبياء .

٠٠٠٠٠٠٠٠٠٠٠٠٠٠

لله ياأرض الرسالاتِ 

ومهد المُرسلين ..

..

جراحكِ الدّامية تهزّ

الخافقين ..

..

ولستُ أدري ماجرى

بحال المسلمين ..

..

ألا يقضُّ نومهم أنينكِ

الحزين ..

..

لـماذا غافلون .

ولا يُبادرون .

..

هل كُبِّلوا بالقيد 

أم خانوكِ بالولاء ..

..

ياقُدسُ .. 

يامهد الأنبياء ..

٠٠٠٠٠٠٠٠٠٠٠٠٠

ياقُدسُ لا لا تحزني 

لا تذرفي الدموع ..

..

ولـملمي جراحكِ

وأشعلي الشموع ..

..

فظلمة الليل وإن

طالَ بها الهجوع ..

..

ستنجلي وشمسكِ

تُشرق في الربوع ..

..

سيظهر النهار ..

وينجلي الغبار ..

..

وسوف يعلو من

على قُبَّتكِ النِّداء ..

..

ياقُدسُ ..

يامهد الأنبياء ..

٠٠٠٠٠٠٠٠٠٠٠٠٠٠

🖍لخادمة أهل البيت

    أم جمال خواهر

    26 / رمضان

      1438 / هـ

(( إلتقى الثقلان )) واعـلـيـاه

 (( إلتقى الثقلان ))

    💔 واعـلـيـاه 

💔
➖➖➖➖➖➖➖
ليلة القدر الشريـفة إرتـفع ثـِقـل

الإمامه .

....
راح للعالم العلْوِي يشتكي الربَّه
الظُّلامه .

....
ونفس هالليله أكيد.

نزل قرآن المجيد .

....

والتقى الثقلان فيها .

هاي صِدفه لوعلامه .

➖➖➖➖➖➖
يالها ساعه عظيمه وحادِثه

ابليلة قدر .
....
ليلة القرآن فيها نازل آيات

اوذِكِر .
....
امن السّمآ للأرض رحمه وخير

لطلوع الفجِر .
....
وبنفس هالليله صاعد للسّمآ

ودمَّه يخر .
....
أعظم اوأصدق كتاب .

ناطق وحكمه صواب .
....
والتقى الثقلان  فيها.

هاي صِدفه لوعلامه .

➖➖➖➖➖➖
ابليلة القدرالشريفه البيها كل

خير وأمل .

....
وبيها تتنزَّل ملايك بالأمر

تحصي العمل .

....
إرتفع قرآن ناطق للسمآ وآخَر
نزل .
....
إلتقوا واتعانقوا لثنين والمدمع
همَل .

....
ذاك قرآن مبين .

وهذا مخضوب الجبين .

....

والتقى الثقلان  فيها .

هاي صدفه لو علامه .

➖➖➖➖➖➖
ليلة القدر الشريفه والعمل 

فيهاجميل .
....
ليله والأملاك تنزل للفجر 

بمرالجليل .
....
وبكتاب الله الصّامت للأرض
جآ جبرئيل .

....
وارتفع ثِقل الإمامه للسّمآ
ودمَّه يسيل .

....
علي ثِقل الله العظيم .

والصِّراط المستقيم .
....
والتقى الثِقلان فيها .

هاي صِدفه لو علامه .

➖➖➖➖➖➖

الكتاب النَّاطِق الليله من 

الدنياارتفع .

....
للسّمآ واتلاقى ويَّااللي انكسر

منها الضِلع .

....
شافت الضربه ابراسه والقلب

منها انصدع .

....
والنَّبي للصدر ضمَّه وغسل 

دمَّه امن الدّمع .

....

يشكي الهم حالته .

والنَّبي اتهل عبرته .

....
والتقى الثقلان فيها .

هاي صدفه لوعلامه

.
➖➖➖➖➖➖
علي قرآن الجليل النّاطق 

ابحكم الإلـٰه .
....

للسّمآهالليله صاعد مختضب

شيبه ابدماه .

....
والتقى ابفاطم الزهرا ومحسن

ابصدره التقاه .
....
والأبو قبَّل اوليده والوَلد قبَّل

أباه .
....
تبكي كل الكائنات .

والفجِر والعاديات .

....
والتقى الثقلان فيها .

هاي صدفه لو علامه .

➖➖➖➖➖➖➖

🖍لخادمة أهل البيت
    أم جمال خواهر
    21 / رمضان
      1438 / هـ

(( ماتت الآمال )) يـاعـلـي

 (( ماتت الآمال ))

        يـاعـلـي

➖➖➖➖➖➖➖

ياعلي الأيتام بس هالليله 

حسّتْ باليتِمْ .

.....

اتدور مثل النَّحل ماتلقى

أحد ليها يلِمْ .

.....

آه ياحاله صعُب .

ينفطرلجله القلُب

.....

رِحِت ياملفاها .

ياهو يتولاّها .

➖➖➖➖➖➖

اليتاما ياعلي هالليله حسَّت

بالضياع .

.....

تايهه مثل الفراش اتدور ماتلقى

الها باع .

.....

من يضمها بعد عينك يالصحت

بيها الوداع .

.....

قوم عاينهااعلى بابك ياعلى

غرثى وجياع .

.....

ملها غيرك ياعلي .

.....

إنته بس إلها ولي .

.....

رِحت ياملفاها.

ياهو يتولاّها .

➖➖➖➖➖➖

ياعلي وينك يتاماك اعلى بابك

حايره .

.....

اتدوِّراعليك وتسايل وين أبونا اشأخّرَه .

.....

دمعها يكسر الخاطر ياكسرها

اشيجبره .

.....

تنتظرماتدري عنَّه مايعود 

التنظره .

.....

مادرت راح الذخر .

.....

واندفن وسط القبر.

.....

رِحت ياملفاها .

ياهو يتولاّها .

➖➖➖➖➖➖➖

ياعلي نوح اليتامازلزل العرش

الإلـٰه .

.....

كل يتيم ايدور ويصرخ وين

غايب ياأباه .

.....

تدري ياسوراليتاما إنته مأواه

اوحِماه .

.....

لا أبو عنده وعشيره إنته أهله

وكل رجاه .

.....

عينه بس شافت ضُواك .

.....

ماإِله والي سِواك .

.....

رحت ياملفاها.

ياهو يتولاّها .

➖➖➖➖➖➖

الله ياحال اليتاما اليوم يم 

بيت الأمير .

.....

يكسرالخاطروضعهم ينصدع

ليه الضمير.

.....

واضعين الخد على عتبة الباب

الهم زفير .

.....

وين أبونا راح عنا مالنا غيره

مُجير .

.....

ماإِله والي اوعمَد .

.....

ماعرف غيرك أحد .

.....

رحت ياملفاها.

ياهو يتولاّها .

➖➖➖➖➖➖➖

🖍لخادمة أهل البيت

    أم جمال خواهر

    20 / رمضان 

      1438 / هـ