(( ليلة سودا ))
في مصاب الزهراء
عليها
السلام
٠٠٠٠٠٠٠٠٠٠٠٠٠
حزن مقدر أوصفه ابيا وسيله
ساعة اللي فارقت روح البتوله
حزن مامثله حصل
للسما السابع وصل
العرش ناح ودمع أحمر يسيله
ساعة اللي فارقت روح البتوله
٠٠٠٠٠٠٠٠٠٠٠
حزن مامثله جرى اولاصار مثله بالدهر
اتزلزلت لجله الوطيه وفي السّما حل السقر
العرش منه تزعزع وانخسف لجله القمر
حزن خلى قلب حيدر يشتعل مثل الجمر
حزن يحرق للچبد
جمر مايبرد أبد
منّه روح المرتضى صارت نحيله
ساعة اللي فارقت روح البتوله
٠٠٠٠٠٠٠٠٠٠٠٠
حزن والتاريخ ماسجَّل شبيهه
ساعة الفارقت للدنيا الوجيهه
ماتت وتشكي من الأمَّة السّفيهه
مارعت حرمه إلى البضعه النّزيهه
ماتت بأسْوَأ وضِع
منهشم منها الضلع
ابليل مدفونه النّعش ماحد يشيله
ساعة اللي فارقت روح البتوله
٠٠٠٠٠٠٠٠٠٠٠
ليله سودا والحدَث مؤلم وقوعه
من علي المرتضى أحنى ضلوعه
ساعة اللي فارقت روح الوديعه
مارت الدنيا وهوى ركن الشريعه
والحسن يبكي ابألم
للَّتي قاست هضم
والشهيد حسين دمعاته هموله
ساعة اللي فارقت روح البتوله
٠٠٠٠٠٠٠٠٠٠٠
تبكي أملاك السَّما ولكوان كلها
اعلى الزچية الماأكو وحده مثلها
ياحسافه ماتت وتشكي عِللها
ابليل وحده عالنعش حيدر حملها
عظَّم الله لكْ لجر
ياعلي وحُسْن الصّبر
هالمصاب الجبل مايقدر يشيله
ساعة اللي فارقت روح البتوله
٠٠٠٠٠٠٠٠٠٠٠
٧ / جمادى
الأول ،
١٤٣٨ / هـ
🖊 لخادمة أهل البيت
أم
جمال خواهر
ليست هناك تعليقات:
إرسال تعليق