( الطور )
يُمَّه اطمنچ عليَّه
باسم الكربلائي
.............
(( لقاء الرأس الشريف ))
مع الجسد الطاهر
٠٠٠٠٠٠٠٠٠٠٠٠٠
تبچي سبع العليه
من عظيم الرزيه
القلب يتصدّع واليسمع
يتفجّع ويذوْبه الألم
..........
امصاب ما مثله من ثقله
لو ايحمله الصخرانقسم
٠٠٠٠٠٠٠٠٠٠٠٠٠٠٠
ساعة اللي للجسد رد راس لحسين
بالقبر صار العتب مابين لثنين
الجسد للراس ينشد چا چنت وين
منفصل عني إلك عشرين وعشرين
هالسَّا جاي امهشّم الأسنان صوبين
والجلد مسلوخ ياهو يطلبك دَين
ليش مفضوخ جبينك
وليش مسموله عينك
الحال أزَّمني علمني من عني
فصلوك العدى
اشصار بحوالك چتّالك من شالك يابحر الهدى
يالله إحچي القضيه
من عظيم الرزيه
٠٠٠٠٠٠٠٠٠٠٠٠٠٠٠
دنّق الراس ودمع عينه تحدّر
ظل يجاذب ونته ابشدّه وتزفر
يالجسد من ساعة الحزواالمنحر
ماوقف دمّي مثل شلاّل فوّر
علقوني اعلى الرمح والرمح يفتر
من بلد لبلاد ودّوني امشهّر
بالحجاره يضربوني
فوق لشجار اصلبوني
ايزيد واعوانه ابديوانه خلاّنا
لعبه بيده
كسّر أضراسي والراسي
هالقاسي بالحديده
اعليَّه ماتت رقيه
من عظيم الرزيه
٠٠٠٠٠٠٠٠٠٠٠٠٠٠
بالخرابه قعدوا زينب ذليله
حالة القشرى صفت حالة العيله
والحزن خلّى رُقيّتنا عليله
ذوّبت زينب وخلّتها نحيله
ليلها وانهار للمدمع تسيله
وين ابويه راح عمّه يالعقيله
سمعها نسل اللعينه
وچنت آنا بين ايدينه
بالعجل نادى جلاده
واتمادى بالجريره
هالطشت إخذه إيه ودَّه
بس قصده للصغيره
ليها تلفي المنيه
من عظيم الرزيه
٠٠٠٠٠٠٠٠٠٠٠٠٠٠
بس نظرها شبح يم طشت النوايب
صرخت وخرت على وجه الترايب
ماتت وأصبح قبرها بالخرايب
اهناك ظلت لا عشيره اولاحبايب
رجعنا عنها نهل دمع المصايب
زينب ابنار الفجيعه القلب ذايب
لا تعاتبها عليها
بعد ماظل حال بيها
إلك ردّتني دفنتني
خبّرني حالك اشصار
من بعد عزلي قلّي
علِّي أعرف أخبار
بالجسد يالشفيه
من عظيم الرزيه
٠٠٠٠٠٠٠٠٠٠٠٠٠٠
قال حالي صعب ما يتوصّف ابحال
بعد عزلك عني خلوني بلرمال
عشرة اخيول اتركتني امهشّم
اوصال
بالشمس مرمي عليَّه ماكو اظلال
الدما مثل السّواقي بالترب سال
لا چفن لا قبر مالي نعش ينشال
ابلا غسل تالي ادفنوني
بالبواري چفنوني
قرّب امّني خلني
ونِّي يهدا لو چان
النّحر يوقف ينشف
بالطف سوّى بركان
آنا وانته سويّه
من عظيم الرزيه
٠٠٠٠٠٠٠٠٠٠٠٠٠٠
لو شفتني بالترب عاري رميه
دمّي ينزف منطحن بالأعوجيه
بالشمس مرمي السوافي اتهل
عليّه
ابلا قبر ملقاً ثلاثه بالوطيه
وتاليتها ابلا چفن دون البريه
ولا أحد جنَّز ولا حط لي عزيه
شوف اچفاني حصُر
غسلي من دمّ النحر
بالدِّما يجري من نحري
وبصدري من دوس الفرس
العطش هدني فتتني
ذوّبني من حرالشمس
هذي كل القضيه
من عظيم الرزيه
٠٠٠٠٠٠٠٠٠٠٠٠٠٠٠
٢٧ / جمادى الثانية
١٤٣٨ / هـ
لخادمة أهل البيت
🖌
أم جمال خواهر
ليست هناك تعليقات:
إرسال تعليق