( لفقدچ واحسافه )
مصاب المعصومة
عليها
السلام
*************
حزينه الشيعه
هالليله وكئيبه٠
عـلى فـقـدچ
يمعصومه الغريبه٠
عليچ ابدم دمع سال٠
تعزّي ثامن الآل ٠
عـلى فـقـدچ
يمعصومه الغريبه٠
٠٠٠٠٠٠٠٠٠٠٠٠٠
الليله امحزّنه الشيعه
وتجري الدمع غدران٠
يمعصومه على فقدچ
تواسي ضامن اجنان٠
غريبه ابقم صبح قبرچ
بعيده عن خريسان ٠
أخوچ ابطوس يافاطم
قضى مسموم عدوان ٠
وإنتِ . حسره وهموم ٠
اعلى خيّچ متّي اليوم٠
جواد الآل دمعاته
سكيبه٠
على فـقـدچ
يمعصومه الغريبه ٠
٠٠٠٠٠٠٠٠٠٠٠٠٠
غريبه متّي ياوسفه
عليچ اببلدة اعجوم٠
عليله وحسره يافاطم
قضيتي ابزفره وهموم٠
ويوسفه ماحضر
دفنچ .
غريب المات مسموم٠
الخبر ما وصَّله يمكن
ابحالچ ما لفى اعلوم٠
أظن لو يدري بالحال٠
لفى يرفع الشيَّال ٠
ورش بالدمع لتراب
الحبيبه٠
عـلى فـقـدچ
يمعصومه الغريبه٠
٠٠٠٠٠٠٠٠٠٠٠٠٠
يمن قلبچ شبع غصَّه .
وشبع لچمات وامصاب ٠
هلچ كلهم قضوا گتلى
سجن واسموم وغيَّاب٠
أبوچ اخمسطعش
قضىَّ .
سنينه اسجون لرهاب٠
وتاليها غدر بالسِّم
حِشاه اتفطر وذاب٠
ثلاثه ابجسره مطروح٠
اوقيده ابساقه ايلوح ٠
الزهرا نصبت اعليه
المصيبه ٠
وعلى فـقـدچ
يمعصومه الغريبه ٠
٠٠٠٠٠٠٠٠٠٠٠٠٠
اخوانچ كلّهم شتَّى .
مقابرهم بعيده ٠
بني العباس حصدتهم
وخلَّتهم شريده ٠
ابسناباد الرضا نحبه
قضى وإنتِ وحيده٠
اببلد غربه يمعصومه
بعد متِّي شهيده ٠
يمعصومه كلافه٠
ولفقدچ واحسافه ٠
إمامي المنتظر زايد
نحيبه ٠
على فـقـدچ
يمعصومه الغريبه ٠
٠٠٠٠٠٠٠٠٠٠٠٠٠٠
٩ / ربيع
الثاني ،
١٤٣٨ / هـ ،
لخادمة أهل البيت
أم جمال خواهر
ليست هناك تعليقات:
إرسال تعليق