(( سؤال أم البنين ))
عن رقية
.......................
آه يازينب شعبتي مهجتي .
جاوبيني اعلى سؤالي يبنتي .
قولي يازچيه .
في وينه رقيه .
جاوبيني اعلى سؤالي يبنتي .
...........................
يمّه يازينب أنشدچ عن رقيه
ياكتر .
.......
اويا اليتاما ماشفتها وين چا
يمّ الخدر .
.......
طوّحت زينب الونّه والدمع منها
انفجر .
.......
يمّه لا اتلچمي اجروحي ذاب
قلبي وانفطر .
.......
دلاّلي تعذّب .
من قلتي يزينب .
جاوبيني اعلى سؤالي يبنتي .
...........................
صاحت آني دِرتْ عيني عاليتاما
والحرم .
.......
ماشفِت بنتي رقيه خبّريني
بالعِلم .
.......
وينها ماجت معاكم يابنِت
سيدالأمم .
.......
بقت بالطف ويْ أبوها؟تطفي
نيران الخيم .
.......
لو يمّ الشريعه .
ظلّت يالوديعه .
جاوبيني اعلى سؤالي يبنتي .
............................
صاحت أم الحزن زينب والدمع
جرّح العين .
......
ذاب يم عباس قلبي ويش رِدتي
تعرفين .
......
تنشديني عن رقيه آه ياأم
البنين .
.......
يمّه ماتت بالخرابه وحاضنه
راس الحسين .
......
بوها اتشوفه مذبوح .
منها زهقت الروح .
جاوبيني اعلى سؤالي يبنتي .
............................
طاحت اعلى الراس يمّه بالطشت
من شافته .
......
وانحنت فوقه تشمّه وفي جبينه
حبّته .
......
بين اياديها ييمّه في حضنها
حطته .
......
وظلت اتسولف وتشچي الظيم
هاللي لاقته .
......
اتقله اوياك خذني .
بويه يالتودني .
جاوبيني اعلى سؤالي يبنتي .
..............................
تحچي مرّه ومرّه تبچي وانقطع
منها النِّفس .
......
وطاح منها الراس يمّه وماسمعنا
ليها حس .
......
أثري من لوعتها ماتت وانكسف
نور الشمس .
......
اهناك حطيناعزاها والمناحه
والدرِس .
......
يايمه عِفتها .
بالشام ادفنتها .
جاوبيني اعلى سؤالي يبنتي .
.............................
لا رقيه اولا صفيّه اولا حميده
ابهالظعن .
......
يمّه بالغربه ادفنتهم ما يردون
الوطن .
......
امن الضرب والضيم ماتوا آه
ياجور الزمن .
......
ليتني ميته معاهم شاب راسي
امن الحزن .
......
من فقدت وليها.
روحي اشبقت بيها.
جاوبيني اعلى سؤالي يبنتي .
٠٠٠٠٠٠٠٠٠٠٠٠٠٠٠
🖌لخادمة أهل
البيت
أم
جمال خواهر
٥ / رمضان / ١٤٣٨/ هـ
ليست هناك تعليقات:
إرسال تعليق