(( شهر رمضان .. يعني . ))
➖➖➖➖➖➖
٠٠٠٠٠٠٠٠٠٠٠٠
شهر رُمْضَان . يعني حسين
ظامي القلب يتلهلب .
.......
شهر رمضان . يعني حسين
يمّه المـاي وما يشرب .
.......
فت العطش دلاّله .
ويمّه النهر يتلالا .
.......
يشوفه وينحمس قلبه .
وفوق الترب يتقلّب .
.........................
شهر رمضان . يعني الطّف .
علي الأكبر نجم سعدي .
.......
إجا يم والده يبچي .
يسولف له وحق جدي .
......
تراني امن العطش باموت .
جلد ما ظل بعد عندي .
......
قطرة ماي يابويه .
دخيلك روّي الچبدي .
.......
يبويه العطش آذاني .
يبويه يابس الساني .
......
يبويه قطرة اميّه .
ترى دلاّلي اتعطّب .
..........................
شهر رمضان . يعني اهناك .
عبد الله العطش ضرَّه .
......
لا درّ ابصدر أُمّه .
بقى لا ماي واتغرَّه .
......
عينه غربت بيموت .
ولسانه دالعه ابصدره .
......
حسافه من بدال المـاي .
صابه السهم في نحره .
......
شبن ياويحتي ابجيده .
تروّى من دِمآ اوريده .
......
اقماطه من دم الأوداج .
اومهده الأبيض اتخضّب .
.............................
شهر رمضان . يعني اتصيح .
سكنه العطش دولبني .
......
ياعمي انفطر چبدي .
دخيلك بالعجل سقني .
......
يعمي العلقمي بالجود .
روح اولا تصد عني .
......
يعمي ارويحتي ذابت .
سريع ابميّه ادركني .
......
يعمي لي ثلثتيام .
عطشانه اوقلبي هام .
......
يعمي شيمتك ترضى .
أموت ابعطش يمنتّب .
...........................
شهر رمضان . يعني الجوع .
زينب في صلاة الليل .
......
ليلة لحدعش بالطف .
مثل سَعْفْ النّخيل اتميل .
......
جوع اوحزن هدّنها.
ومصايب جرّعتهاالويل .
......
أطفال اوحرم واخيام .
محروقه اوصهيل الخيل .
......
لاهوب اوعليل ايحِنّ .
واجساد اعلى رمضى اتوِنّ .
......
هذي ترجمة رمضان .
عيش أحوالهم واندب .
............................
شهر رمضان . يعني اجمال .
في صحراء اومهزوله .
......
بلا هودج ولا ساتر .
عليها اطفال محموله .
......
اونسوَه ماعليها اقناع .
بس ابحبل مغلوله .
......
وعليل ابجامعه ومشدود .
تحت الجمل برجوله .
......
وروس اعلى الرماح اتميل .
مناحرهم دموم اتسيل .
......
وراس الريح تلعب بيه
شيبه ابدمَّه اتخضّب .
٠٠٠٠٠٠٠٠٠٠٠٠٠٠
🖍لخادمة أهل
البيت
أم
جمال خواهر
٦ / رمضان
١٤٣٨ / هـ
ليست هناك تعليقات:
إرسال تعليق