فـرقـتـچ جـمـر (( استشهاد السيّدة )) خديجة عليهاالسلام

فـرقـتـچ جـمـر

(( استشهاد السيّدة ))

  خديجة عليهاالسلام

  ➖➖➖➖➖➖

آه ييمه  ...  الدنيا ظلمه .

وموحشه ابعيني وكئيبة .

ردي ليَّه  ...  يالزچيه .

  لاتخليني غريبه .

فرقتچ يمّه جمر

لاتروحي للقبر

آه ييمّه .. آه ييمّه .

➖➖➖➖➖➖➖

يمه توَّهتين قلبي فرقتچ صعبه

وأليمه .

.....

يمه يحنينه تعالي لاتخليني

يتيمه .

.....

بعدي ازغيره ييمه ليش عفتيني هضيمه .

.....

من يداريني وياهو يمسح 

ادموعي السچيمه .

.....

يالحَنِينَه .. ردي لينه .

يمه دلاَّلي شرد .

من رحلتي للحِد .

آه ييمه  ..  آه ييمه

➖➖➖➖➖➖➖

يم قلب طاهر وصافي يالحنونه

اويالوفيَّه .

.....

آني يا يمه الزهرا شمعتچ ردي

عليَّه .

.....

ردّي يايمه لبيتچ خلي لي آني

المنيَّه .

.....

فرقتچ صعبه ييمه وآني ماعندي

تچيَّه .

.....

أستشيرچ .. مالي غيرچ .

يمه ماعندي ضُوى .

إنتي روحي والهوى .

آه ييمه  ..  آه ييمه .

➖➖➖➖➖➖➖

يمه يايمه تعالي أبنيِّتِچ آني

الوحيده .

.....

لاأخت عندي ييمه اولا أخو

يلزمني بيده .

.....

خايفه اتروحين يمه ورحلتچ 

تمسي بعيده .

.....

وظل من بعدچ ييمه امدولبه 

وحزني أعيده .

.....

يادلالي .. بس تعالي .

شوفي مِن هالسَّا اشصِرِت .

ذاب قلبي وتوِّهِت .

آه ييمه  ..  آه ييمه .

➖➖➖➖➖➖➖

سمعي يايمه أبويه ينحب 

ودمعه جرى .

.....

منكسر ظهره ييمه يفت قلبي

امن انظره .

.....

ايسوف بچفوفه ويطوِّح ونِّته

المتكسره .

.....

ايصيح رحتي ياخديجه وآنا 

من بعدچ ترى .

.....

صرِت حاير ..  مالي ناصر .

يامعيني اعلى الدهر.

ظهري من هالسَّا انكسر .

آه ييمه  ..  آه ييمه .

➖➖➖➖➖➖➖

ياخديجه عزمي انفلّ من رحلتي

للحِد .

.....

تدري ليَّه ماكو غيرچ سنَد ياأمّ

الولد .

.....

كنتِ لي مأوى وتِچِيَّه كنتِ لي

كهف وسنَد .

.....

من تروحي القبر عني ياهو لي

يبقى بعد .

.....

أبو طالب .. أمِسْ غايب .

وانتِ هالسَّا ترحلي .

بعد ياهو ظل إلي .

آه ييمه  ..  آه ييمه .

➖➖➖➖➖➖➖

ردِّي لي آنا محمد ياخديجه

ردِّي لي .

.....

وحدي بين اعداي أبقى ابلا

مناصر تقبلي .

.....

عمّي بو طالب رحل وانتين 

هالسَّا ترحلي .

.....

هذي الزهرا يتيمه اوباليتم 

أصبح علي .

.....

آه يحزني  ..  الـمايفكني .

راحوا اللي انْوِدّهُم .

  بعد ويش ايردّهُم .

آه ييمه  ..  آه ييمه .

➖➖➖➖➖➖➖

🖍لخادمة أهل البيت

    أم جمال خواهر

  ٩ / رمضان / ١٤٣٨/ هـ

(( صوم الدموع )) ياصاحب الزمان

((  صوم الدموع  ))

    ياصاحب الزمان

➖➖➖➖➖➖➖

المهدي طول الدهر صايم .

وان فطر بس ابدموع .

......

المهدي أكله الكدر والهمّ .

والحزن بين الضلوع .

..........................

المهدي يمته صار فاطر .

المهدي صوّام الدهر .

......

وان فطر بس ابمدامع .

سايله ابدمٍّ حمَر .

......

يذكر اللي مات ظامي .

ويمَّه يتلاطم نهر .

......

والرضيع اللي يلوج 

امن العطش قلبه انفطر.

......

للنهر شابح ابعينه 

ابروحه يتلوى اويلوع .

.........................

المهدي ليل انهار صايم

وان فطر بس ابونين .

.......

زاده الهمّ والفجيعه 

ويفطر ابدمعة العين .

.......

والحزن يمسي سحوره

دوبه يصرخ ياحسين .

.......

وسفه ياجدّاه ظامي

اتموت ياقرّة العين .

.......

والترب يرتوي ابدمّك

والسمآ تبچي ابخشوع .

............................

المهدي صايم طول عمره

وان فطر بس بألم .

.......

ليله وانهاره كآبه

بس حزن ما يبتسم .

.......

وان لفى العيد ايتزايد

حزنه والمدمع سجم .

.......

الله ايعينه وايجبره

بالحزن قلبه انقسم .

.......

أبد ما تبرد جمرته

تشتعل مثل الشموع .

.........................

إيه نعم محزون قلبه

لكن أبداً مو ضعيف .

.......

ليله وانهاره عباده 

وحامل ابچفَّه السيف .

.......

ينتظر أمر الجلاله 

قوم يانسل العفيف .

.......

قوم عدِّلها وخلهااتكون

في حالٍ نظيف .

.......

قوم يالمهدي ترى 

الأُمَّه اتّرقّب هالطلوع .

...........................

قلبه ذايب بالفجيعه

لكن ابداً مو ذليل .

.......

عزَّه شامخ ماهو خانع 

صابر وصبره جميل .

......

عينه اتراقب وضعنا

اوينتظر أمر الجليل .

.......

قوم يايوسف الزهرا

قوم يانسل الخليل .

......

قوم عن محجرالشيعه

امسح قذاها والدموع .

...........................

🖍لخادمة أهل البيت

    أم جمال خواهر

٧ / رمضان / ١٤٣٨/ هـ